Tilgul Ladoo Recipe : पाक न करता, हाताला चटके न देता मऊसूद तिळगुळाचे लाडूची रेसिपी

तिळगूळाचे लाडू म्हणजे पाक बनवणं आलं, शिवाय काही वेळा हे लाडू कडकही होतात, दातांनी चावताही येत नाही. पण या पद्धतीने तुम्ही लाडू बनवाल तर पाक बनवण्याची गरज नाही, हाताला चटके लागणार नाही आणि अगदी हातांनीही फुटतील इतके मऊ लाडू बनतील. आता याची रेसिपीच पाहुयात.

1 कप  किंवा 150 ग्रॅम पांढरे तीळ

दीड कप किंवा 75 ग्रॅम शेंगदाणे

1 मोठा चमचा पाणी

दीड चमचा वेलची पूड

चिमूटभर जायफळ पूड

आता एक कढई घेऊन गॅसवर मध्यम आचेवर ठेवा. त्यात तीळ घालून हलके सोनेरी रंगाचे होईपर्यंत भाजून बाजूला काढून ठेवा. आता यात शेंगदाणेही लालरस होईपर्यंत भाजून थंड करून त्याची साल काढून घ्या. मिक्सरमध्ये शेंगदाणे थोडे फिरवान नंतर यात भाजलेले तीळ यांचा एकत्र कूट करून घ्या. त्यात वितळलेला गूळ घालून सर्व मिश्रण एकसारखं होईपर्यंत वाटा. हे मिश्रण कढईत काढून मंद आचेवर साधारण 5 मिनिटं परतून घ्या.  गूळ वितळायला लागल्यावर थोडंसं पाणी घालून नीट मिसळा. मिश्रण एकत्र येऊन पिठासारखा गोळा होईपर्यंत शिजवा.

गॅस बंद करा आणि थोडे उरलेले भाजलेले तीळ घाला. सर्व साहित्य नीट मिसळा. त्यात वेलची पूड आणि जायफळ पूड घालून पुन्हा मिसळा. आता हे मिश्रण ताटात काढा आणि त्याचे लाडू वळा. तिळाचे लाडू तयार झाले. ज्या प्रमाणात साहित्य दिलं आहे, त्यापासून साधारण 30 मध्यम आकाराचे लाडू होतात.