तुम्हाला जास्त थंडी वाजतेय; कारणीभूत आहेत ‘हे’ आजार, दुर्लक्ष करणं पडेल महागात

डायबिटीस:

डायबिटीसमुळे व्यक्तीच्या रक्ताभिसरणावर परिणाम होतो. त्यामुळे मधुमेह असलेल्या व्यक्तींना जास्त थंडी जाणवते. शरीरात रक्ताभिसरण व्यवस्थित न झाल्याने धमन्या अरूंद होतात आणि त्यामुळे रक्त प्रवाहाला अडथळा निर्माण होतो. ज्यामुळे एखाद्या व्यक्तीला इतरांपेक्षा जास्त थंडी वाजू शकते.

लोहाची कमतरता 

शरीरात लोहाच्या कमतरतेमुळे लाल रक्तपेशींमध्ये घट होतो. यामुळे एखाद्या व्यक्तीला थंडी सहन होऊ शकत नाही आणि इतरांच्या तुलनेत जास्त थंडी वाजते. हिरव्या पालेभाज्या, दूध, फळे, गाजर इत्यादींच्या समावेशाने लोहाची कमतरता भरून काढायला मदत होते.

advertisement

'हिवाळ्यात आजारी पडायचं नाहीये मग खा ‘या’ गोष्टी, शरीर राहील उबदार, वाढेल रोगप्रतिकारक शक्ती'

हाइपोथायरॉइड 

तज्ज्ञांच्या म्हणण्यानुसार हाइपोथायरॉइड हे जास्त थंडी वाजण्याचे कारण असू शकते. जेव्हा थायरॉईड ग्रंथी थायरॉक्सिन हार्मोन तयार करू शकत नाही, किंवा कमी प्रमाणात करतात तेव्हा शारीरिक कार्य विस्कळीत होते आणि त्यामुळे एखाद्या व्यक्तीला प्रमाणापेक्षा जास्त थंडी वाजू शकते.

व्हिटॅमिन बी12 ची कमतरता 

एखाद्या व्यक्तीच्या शरीरात व्हिटॅमिन बी12 ची कमतरता असेल तर त्यांना इतरांपेक्षा जस्त थंडी वाजू शकते. पुरूषांपेक्षा  स्त्रियांमध्ये व्हिटॅमिन बी12ची कमतरता अधिक आढळते. ज्या पदार्थांमध्ये व्हिटॅमिन बी12 आहे ते पदार्थ खाण्याचा सल्ला डॉक्टर देतात.

'थंडीत दही खावं की नाही ? आहारतज्ज्ञ काय सांगतात ?'

आहारात करा हे बदल

तुम्हाल वरीलपैकी कोणते आजार असतील आणि त्याची माहिती तुम्हाला असेल किंवा तुम्हाला इतरापेक्षा जास्त थंडी वाजत असेल तर हिवाळ्यात तुम्हाला आहारात काही बदल करावे लागतील. दैनंदिन आहारात सुका मेवा, गूळ, सुंठ, कडधान्ये, दूध, आलं, लसूण, मांसाहार इत्यादींचा समावेश करावा. या व्यतिरिक्त कोमट पाणी, डिटॉक्स पित रहावं. खोबरेल तेल किंवा मॉइश्चरायझर याने शरीराची मालिश करावी, ज्यामुळे तुम्हाला थंडी कमी वाजेल आणि ड्राय स्किन, टाचांच्या भेगांवर आपसूकच उपचार होऊन जातील.