TRENDING:
रोजच्या धावपळीत, अन्नाच्या प्रत्येक घासाची चव घेत जेवण कमी होत चाललंय. जेवताना फोन किंवा टेलिव्हिजन सुरु असतोच यामुळे जेवताना अर्ध लक्ष तिकडे असतं. यामुळे आपल्या अन्नाची चव जाणून घेण्याच्या क्षमतेत अडथळा येऊ शकतो आणि आपल्याला पोट भरल्यासारखं वाटत नाही आणि यामुळे अधिक किंवा भूक लागलेली नसताना खाण्याची सवय लागते.
जाणीवपूर्वक म्हणजे पूर्ण जाणीव ठेवून, लक्ष देऊन खाण्याची सवय लावली तर फरक पडू शकतो. जाणून घेऊया mindful eating चे फायदे.
advertisement
Mindful eating म्हणजे काय ?
ही सवय म्हणजे जेवताना पूर्णपणे अन्नावर लक्ष केंद्रित करणं. यामुळे आपल्याला भूक आणि पोट भरलंय हे कळू शकतं.
Brain Health : लहानपणच्या संसर्गाचा मोठेपणी परिणाम होतो ? वाचा तज्ज्ञांचं मत
प्रत्येक घास 30-32 वेळा चावा.
जेवणाचा सुगंध, पोत आणि चव यांचा आनंद घ्या.
स्क्रिन आणि आवाजापासून दूर शांत ठिकाणी बसून खा.
Mindful eatingचे फायदे -
पचन सुधारतं: खूप लवकर किंवा पटापट खाल्ल्यानं पचन बिघडतं आणि कालांतराने त्याचे नकारात्मक परिणाम तुमच्या शरीरात दिसतात.
जास्त खाणं टाळा: आपण जेवतो तेव्हा मेंदूला वीस मिनिटांनी पोट भरल्याचा संकेत मिळतो. म्हणून, वेळ घ्या आणि हळूहळू खा.
पोटफुगी : खूप पटापट खाल्ल्यानं जास्त हवा श्वासात जाऊ शकतो, ज्यामुळे गॅस आणि पोटफुगी होऊ शकते. लक्षपूर्वक खाण्यानं ही समस्या टाळता येते.
Mindful eating चा सराव -
जेवताना फोन किंवा स्क्रीनपासून दूर रहा. स्वच्छ, नीटनेटक्या जागी जेवा. कोणताही गोंधळ किंवा लक्ष विचलित करणारे पदार्थ नसावेत. इंद्रियांना अन्नाचा सुगंध, रंग आणि पोत लक्षात घेण्यासाठी आणि ते अनुभवण्यासाठी वेळ द्या.
Skin Care : हिरवी गार पानं घेतील चेहऱ्याची काळजी, कसा तयार करायचा DIY Face pack?
भूकेचं मूल्यांकन एक ते दहाच्या प्रमाणात करा आणि नंतर तुम्हाला किती खावं लागेल ते ठरवा.
प्रत्येक घास नीट चावून खा; गिळण्याची घाई करू नका.
जेवणाच्या प्रमाणावर नियंत्रण ठेवण्यासाठी, नेहमी लहान वाट्या किंवा प्लेट्समधे अन्न वाढा. यामुळे जास्त खाणं आणि अन्न वाया घालवणं टाळता येईल.
खाण्यासाठी एक निश्चित वेळ निश्चित करा आणि त्या काळात इतर काहीही करणं टाळा.
जाणीवपूर्वक खाण्याचं म्हणजेच mindful eatingचं महत्त्व ओळखून, फ्रान्स, स्पेन आणि इटली सारख्या युरोपीय देशांत दुपारच्या जेवणाचा वेळ नियोजित केला जातो, तर यूकेमधे हे प्रमाण कमी होत चाललंय.