कधीकधी नकळतपणे, आपण दररोज अशा अनेक कृती करतो, ज्याचा परिणाम केवळ शरीरावरच होत नाही तर आरोग्यावरही होतो. आपला मेंदू तीक्ष्णपणे काम करायला हवा, आपली स्मरणशक्ती मजबूत राहिली पाहिजे आणि विचार करण्याची आणि समजून घेण्याची आपली क्षमता अबाधित राहिली पाहिजे, पण काही रोजच्या सवयी हळूहळू आपला मेंदू कमकुवत करत आहेत, ज्यामुळे आपल्याला सतत थकवा, विसरणं, मूड स्विंग आणि इतर अनेक समस्यांना जाणवू शकतात.
advertisement
Weight Loss : हेल्दी वेट लॉस म्हणजे काय ? व्यायाम, योग्य आहाराचं कनेक्शन काय ?
आपण दररोज करत असलेल्या गोष्टी आपल्या मानसिक आरोग्याला सर्वात जास्त हानी पोहोचवत असतात. या दैनंदिन सवयी वेळीच दूर केल्या नाहीत तर त्यामुळे गंभीर न्यूरोलॉजिकल समस्या उद्भवू शकतात.
अँटीबायोटिक्स नंतर प्रोबायोटिक्स न घेणं - संसर्ग रोखण्यासाठी अँटीबायोटिक्स घेतो तेव्हा ते केवळ हानिकारक बॅक्टेरियाच नाही तर चांगले बॅक्टेरिया देखील मारतात. अँटीबायोटिक्स घेतल्यानंतर प्रोबायोटिक्स न घेतल्यानं आतडी आणि मेंदूमधील संबंध कमकुवत होतो, ज्यामुळे मूड खराब होतो आणि नैराश्य येऊ शकतं.
जास्त वेळ बसून राहणं - आजकाल जास्त वेळ बसून राहणं ही एक मोठी समस्या बनली आहे. कामावर असो किंवा घरी, शारीरिक हालचाल कमी होत चालली आहे. जास्त वेळ बसून राहिल्यानं आणि शारीरिक हालचाली न केल्यानं ऑक्सिजनचा पुरवठा कमी होऊ शकतो, ज्यामुळे स्मरणशक्ती, एकाग्रता आणि शिकण्याची क्षमता कमकुवत होऊ शकते.
Hair Care : आवळा आणि कोरफड केसांसाठी वरदान, जाणून घ्या वापरण्याची पद्धत
ताणतणावामुळे झोपेचा अभाव - सतत ताण आणि जास्त विचार केल्यानं झोपेची गुणवत्ता बिघडते. झोप अपुरी असते तेव्हा मेंदूत विषारी पदार्थ जमा होतात, ज्यामुळे संज्ञानात्मक कार्य बिघडतं, ज्यामुळे मेंदू आकुंचन पावतो आणि विषारी पदार्थ बाहेर पडत नाहीत आणि वृद्धत्व वाढतं.
खूप जास्त खाणं आणि जास्त कार्बोहायड्रेट्सचे सेवन करणं - तीन जेवणांव्यतिरिक्त वारंवार नाश्ता खाणं देखील हानिकारक असू शकतं. यामुळे रक्तातील साखरेच्या पातळीत वारंवार चढ-उतार होऊ शकतात आणि टाइप 3 मधुमेह आणि अल्झायमरचा धोका वाढू शकतो.
बियाण्यांच्या तेलांचा जास्त वापर - सूर्यफूल, सोयाबीन, कॉर्न किंवा कॅनोला तेल यासारख्या बियाण्यांच्या तेलांमधे ओमेगा-6 फॅटी एसिडचं प्रमाण जास्त असतं. या तेलांचा जास्त वापर केल्यानं मेंदूच्या पेशींचं नुकसान होवू शकतं.