गॅस, अपचन, बद्धकोष्ठता, पोटदुखी आणि आम्लपित्त यासारख्या पोटाशी संबंधित समस्यांचं प्रमाणही वाढलंय. त्यामुळे पोट निरोगी कसं ठेवावं, कोणते पदार्थ पोट शांत करण्यास मदत करू शकतात याविषयीची ही सविस्तर माहिती.
फायबर: हिरव्या पालेभाज्या, पपई, सफरचंद, नाशपती यांसारखी फळं, ओट्स आणि ब्राऊन राईस आणि डाळींमधे फायबर असतं. पोटाच्या समस्या असतील तर हे पदार्थ आहारात असू द्या. पचनक्रिया योग्य राखण्यास हे पदार्थ मदत करू शकतात.
advertisement
Osteoarthritis : अस्थिसंधिवात महिलांना होण्याचा धोका अधिक का ? समजून घ्या कारणं
आलं आणि ओवा: आलं आणि ओवा यात भरपूर पोषक घटक असतात. आलं चहात किंवा कच्चंही खाऊ शकता. ओव्यातले घटक गॅस आणि पोटफुगीपासून मुक्त होण्यास मदत करू शकतात. जेवणानंतर चिमूटभर ओवा आणि काळं मीठ मिसळून खाऊ शकता.
दही: दह्यातले चांगले बॅक्टेरिया किंवा प्रोबायोटिक्स पोट स्वच्छ ठेवून पचन सुधारण्यास मदत करतात. रोज एक वाटी ताजं दही किंवा ताक पोटासाठी फायदेशीर ठरू शकतं.
Sleep : झोप नावाचं औषध, चांगल्या प्रकृतीसाठी किती तास झोप आवश्यक ? जाणून घ्या तज्ज्ञांचा सल्ला
भाज्या आणि फळं: भाज्या आणि फळं शरीरासाठी फायदेशीर असतात कारण फायबरसोबतच त्यात जीवनसत्त्वं आणि खनिजं देखील मुबलक प्रमाणात आढळतात, या दोन्हीमुळे पचनसंस्था मजबूत होण्यास मदत होते.
पाणी: अनेक आरोग्य समस्यांवरचं रामबाण उत्तर म्हणजे पाणी. दररोज पुरेसं पाणी प्यायल्यानं पोट निरोगी राहतंच, शिवाय शरीरातील विषारी पदार्थ बाहेर काढण्यासही मदत होते. पाणी पित नसाल तर आजच ही सवय बदला आणि दररोज किमान आठ ते दहा ग्लास पाणी प्या.