पावसाळा म्हटलं की बऱ्याच समस्या असतात. त्यापैकीच एक समस्या कांद्यात पेपर टाकल्याने दूर होईल. आता तुम्ही म्हणाल अशी कोणती समस्या आहे. त्याआधी नेमकं करायचं काय ते जाणून घेऊयात.
सामान्यपणे आपण कांदा बास्केट किंवा ट्रॉलीत ठेवतो. तुम्ही जिथं कांदा स्टोअर करता तिथं तो डायरेक्ट ठेवू नका. बास्केट किंवा ट्रॉलीत आधी न्यूजपेपर टाका आणि मग त्यावर कांदे ठेवा. आता या कांद्यात पेपरचे तुकडे किंवा गोळे करून टाका.
advertisement
Jugaad Video : पावसात लाइट गेली, मिक्सर बिघडला तरी टेन्शन नाही; फक्त एका प्लॅस्टिक बाटलीत वाटा मसाला
याचा फायदा काय?
पावसाळ्यातील समस्यांपैकी एक समस्या म्हणजे कांदे खराब होण्याची. पावसात ओलावा असतो. त्यात कांदे ओलसर असतील तर ते लवकर खराब होतात. पण जर यात तुम्ही पेपर टाकला तर मात्र ही समस्या उद्भवणार नाही. कांद्याच्या खाली न्यूजपेपर असल्याने ओलावा शोषून घेतला जाईल. शिवाय कांद्याच्या मध्ये पेपरचे गोळे असल्याने मधील ओलावाही शोषला जाईल.
इथं पाहा व्हिडीओ
simply marathi युट्युब चॅनेलवर हा व्हिडीओ पोस्ट करण्यात आला आहे. व्हिडीओ पाहण्यासाठी इथं क्लिक करा.
पावसात कांदे साठवण्याची आणखी काही टिप्स
ओलाव्यापासून कांदे सुरक्षित ठेवा : कांदे साठवण्याची जागा स्वच्छ आणि नीटनेटकी असेल याची विशेष काळजी घेतली पाहिजे. तिथे कोणत्याही प्रकारचा ओलावा किंवा पाणी नसेल याची खात्री करा. थोडासा ओलावा किंवा पाण्यामुळे कांदे खराब होऊ शकतात आणि त्यामुळे दुर्गंधी येऊ शकते.
कांदे बॅगमध्ये ठेवू नये : कांद्याला दीर्घकाळ सुरक्षित ठेवण्यासाठी त्यांना योग्य हवा आणि प्रकाश मिळणं महत्त्वाचं आहे. त्यामुळे कांदे साठवताना ते पिशवीमध्ये ठेवू नयेत. कांदे नेहमी उघड्यावर किंवा उघड्या बास्केटमध्ये ठेवा. यामुळे त्यांना हवा लागेल आणि ते खराब होणार नाहीत.
न चिरलेला कांदा फ्रीजमध्ये ठेवू नका : अख्खे कांदे कधीही रेफ्रिजरेटरमध्ये ठेवू नयेत. कारण, न चिरलेला अखखा कांदा फ्रीजमध्ये ठेवल्यास त्याला मोड येण्याची शक्यात असते. फ्रीजमधील ओलाव्यामुळे कांदे खराब देखील होऊ शकतात.
कोरडे कांदे खरेदी करा : जर तुम्ही कांदे खरेदी करत असाल तर नेहमी कोरडे आणि चांगले सुकलेले कांदे खरेदी करा. त्याचं बाह्यआवरण अजिबात ओलसर नसावं. मोड आलेले कांदे कधीही खरेदी करू नका. ते लवकर कुजतात.