बेसनपीठाचा वापर
बेसनपीठाच्या भजी जशा जिभेचे चोचले पुरवायला सक्षम असतात, त्याच पद्धतीने बेसनपीठ तुमच्या त्वचेची काळजी घेऊ शकतं. बेसनपीठामुळे डेडस्किन काढून टाकायला मदत तर होतेच होते मात्र त्यासोबत त्वचेचा रंगही उजळतो.
'Winter Skin Care : थंडीच्या दिवसात अशी घ्या त्वचेची काळजी, घरगुती उपाय नक्की करुन बघा'
त्वचा कोरडी पडू देऊ नका
advertisement
ज्या लोकांची त्वचा कोरडी आहे त्यांनी दुधाची साय, तूप किंवा थोडंसं खोबरेल तेल घेऊन ते हातापायांना चोळावं. यामुळे तेल किंवा तूप शरीरात शोषले जाऊन त्वचा मुलायम आणि तजेलदार राहते. तुम्ही मॉइश्चरायझरही वापरू शकता. मात्र हे करण्यापूर्वी तुम्हाला तुमच्या त्वचेचा प्रकार माहिती असणं गरजेचं आहे. जर तुमची त्वचा तेलकट असेल तर पाणी अधिक असलेल्या म्हणजे वॉटर बेस मॉइश्चरायझरचा वापर करा. उद्या एलोवेरा जेल कोरफडीपासून बनवलेलं मॉइश्चरायझर. जर तुमची त्वचा कोरडी असेल तर तुम्हाला ऑईल बेस मॉइश्चरायझरचा वापर करण्याचा सल्ला त्वचारोग तज्ज्ञ देतात. जर तुमची त्वचा नॉर्मल म्हणजे दोन्ही प्रकारातली असेल तुम्ही आलटून पालटून दोन्ही प्रकारचे मॉइश्चरायजर वापरू शकता. त्वचेचा प्रकार न ओळखता मॉइश्चरायजर वापरल्यास त्वचेला नुकसान होऊ शकतं. ज्यामुळे पूर्ण चेहऱ्यावर पिंपल्स येऊ शकतात. त्वचा काळी पडते. योग्य मॉइश्चरायजरचा वापर करावा, असा सल्ला डॉक्टर देतात.
सनस्क्रीन लोशन
लोकांना वाटतं की, सनस्क्रीन लोशनचा वापर फक्त उन्हाळ्यात त्वचा टॅन न होण्यासाठी करायचा असतो. मात्र तसं नाहीये. हिवाळ्यातही सनस्क्रीनचा नियमित वापर केल्यामुळे वाढलेल्या प्रदूषणापासून त्वचेचं रक्षण होतं.
'हिवाळ्यात त्वचा कोरडी पडतेय? लिंबू, गुलाबजल वापरावं का? डॉक्टरांचा सल्ला'
जास्त गरण पाण्याने अंघोळ नको
थंडीमुळे अंघोळ करताना आपण पाणी नेहमीपेक्षा थोडं जास्त गरम किंवा कडक घेतो. मात्र अतीगरम पाण्यामुळे त्वचेचं नुकसान होण्याची भीती असते. यामुळे त्वचा कोरडी होऊन होऊन खाज सुटते.कधी कधी अंगावर रॅशेस सुद्धा येतात.