Protein Paratha : न्याहारी होऊ दे जोरदार, प्रथिनयुक्त पराठ्यानं मिळेल ताकद, दिवस जाईल उत्साहात

भारतात पराठे हमखास बनवले जातात. पराठ्यांचे असंख्य प्रकार आहेत. पण यात तुम्हाला पराठा प्रथिनुक्त हवा असेल तर इथे दिलेली माहिती नक्की उपयोगी येईल. हा पराठा चविष्ट आणि आरोग्यदायी आहे.

Vitamin D : भरपूर सूर्यप्रकाश आहे, पण 70% भारतीयांमधे 'व्हिटॅमिन डी' का अपुरं, उन्हात जाण्याची योग्य वेळ कोणती ?

हा पराठा बनवण्यासाठी, उकडलेले मटार एक वाटी, 150 ग्रॅम पनीर, 1 चमचा जिरं, 1 हिरवी मिरची, 3-4 लसूण पाकळ्या, चवीनुसार मीठ आणि 1 कप पाणी एकत्र बारीक करून घ्या. हे मिश्रण असेल पराठ्याचं सारण.

advertisement

आता पीठात काय काय वापरायचं समजून घेऊया. दोन कप मिश्र धान्य पीठ, एक कप तीन-चार तास भिजवलेली मूग डाळ, एक चमचा ओवा, एक टेबलस्पून कसुरी मेथी, चवीनुसार मीठ, एक चिरलेला कांदा आणि मूठभर कोथिंबीर एकत्र करून मऊ पीठ मळून घ्या, हे पीठ पाच-दहा मिनिटं झाकून ठेवा.

पराठा बनवण्यासाठी पिठाचा गोळा घ्या, पातळ लाटून घ्या त्यात वर सांगितलेलं सारण घाला. तव्यावर दोन्ही बाजूंनी शेकून घ्या. नंतर तूप/लोणी/तेल लावा. हे पराठे चटणी, लोणचं, दही सोबत छान लागतात.

Summer Care : उन्हाळ्यात घ्या तब्येतीची काळजी, उन्हाळा सुसह्य करण्यासाठी या गोष्टी लक्षात ठेवा

मिश्र धान्य पीठात गहू, हरभरा, नाचणी, ज्वारी, बाजरी, सोयाबीन असतं. त्यात फायबर, प्रथिनं आणि आवश्यक खनिजं भरपूर असतात. यामुळे पचन सुधारतं आणि वजन नियंत्रित होतं. सर्वात महत्त्वाचं म्हणजे ते मधुमेहींसाठी देखील फायदेशीर मानलं जातं.

डाळीला प्रथिनांचा चांगला स्रोत मानलं जातं. मुगाच्या डाळीत प्रथिनं, फायबर, लोह, कॅल्शियम आणि फॉलिक एसिड असतं.

हिरव्या वाटाण्यात प्रथिनं, फायबर, व्हिटॅमिन के, व्हिटॅमिन सी, व्हिटॅमिन ए, मॅग्नेशियम आणि लोहाचं प्रमाण चांगलं असतं.