Health Tips : काम करताना 58 मिनिटांनी 2 मिनिटांचा ब्रेक घ्या, हृदयविकाराचा धोका टाळा, बैठ्या जीवनशैलीमुळे प्रकृतीला आहे धोका

हृदयरोग जगभरात मृत्यूचं प्रमुख कारण बनला आहे आणि याचं सर्वात मोठं कारण म्हणजे दीर्घकाळ बसणं. आपण बराच वेळ हालचाल न करता बसतो तेव्हा आपल्या हृदयावर आणि हृदय आणि रक्तवाहिन्यासंबंधित व्यवस्थेवर नकारात्मक परिणाम होतो. अशा व्यक्तींना सामान्य व्यक्तींपेक्षा हृदयविकाराचा झटका येण्याचा धोका जास्त असतो.

Laziness : हिवाळ्यातला आळस म्हणजे आजारांना आमंत्रण, वेळीच व्हा सावध

advertisement

ऑफिसमध्ये दर 58 मिनिटांनी हा दोन मिनिटांचा व्यायाम करा. दर तासाला फक्त दोन मिनिटं मध्यम व्यायाम करणं देखील हृदयासाठी खूप फायदेशीर ठरू शकतं. टेबलावर काम करतात किंवा बराच वेळ बसून राहतात त्यांच्यासाठी हा नियम अशांसाठी महत्वाचा आहे.

सलग 58 मिनिटं काम करा आणि 2 मिनिटं हलका व्यायाम करा. अशा प्रकारे, तुम्ही आठ तासांच्या कामाच्या दिवसात शरीर अंदाजे आठवेळा सक्रिय हालचाल करेल. यामुळे रक्त प्रवाह सुधारतो, स्नायूंचा ताण कमी होतो आणि हृदय निरोगी राहतं.

२ मिनिटांचा व्यायाम करण्याचे सोपे मार्ग

१. ताई ची हॉप स्ट्रेच - सरळ उभे रहा. पायाच्या बोटांवर उडी मारा आणि हात वर आणि खाली हलवा. किमान पन्नासवेळा रिपीट करा. नंतर थोडं चालत जा.

२. सेमी-पुश-अप्स - यासाठी, एका मजबूत सोफा किंवा खुर्चीवर टेकून बसा. पुश-अप्ससाठी जसं करता तसे तुमचे हात आणि शरीर थोडंसं वर करा आणि बसा. कमीत कमी दहा ते पंधरा वेळा रिपीट करा.

3. सिटिंग लेग रेजिस्टेंस - यासाठी, खुर्चीवर बसा, पाय थोडे पसरवा. टाचा वर करा आणि त्या खाली करा. दहा वेळा रिपीट करा.

४. रिवर्स डिप्स - यासाठी सोफा किंवा खुर्चीचा आधार वापरा. दोन्ही हात पाठीमागे ठेवा आणि पाय पुढे पसरवा. हात वर करा आणि बसा. पंचवीस वेळा रिपीट करा.

५. वॉल सीट - भिंतीला लागून उभे रहा. पाय थोडे पुढे करा आणि खाली वाकवा. या स्थितीत चाळीस-साठ सेकंद धरा.

Instagram Feature : इन्स्टाग्रामचं लिप सिंक फिचर वापरलंत का ?

६. लेग स्विंग - डेस्क किंवा खुर्चीवर धरा. एक पाय हवेत वर करा आणि हळूहळू खाली करा. प्रत्येक पायानं पंधरा वेळा रिपीट करा.

७. ताई ची स्क्वॅट पोज - पाय लांब करून आणि गुडघे थोडे वाकवून उभे रहा. हात जोडा आणि पायाची बोटं वर करा.  ५० पुनरावृत्ती करा.

८. दोरीच्या उड्या - ऑफिसमधे दोरी नसेल, तर हात पसरून काही हलक्या उड्या मारा. १०० हलक्या उड्या मारा.

हे सर्व व्यायाम करण्याआधी, प्रशिक्षकांचा सल्ला घ्या. तसंच यासंदर्भात विविध व्हिडिओही उपलब्ध आहेत. त्याचाही उपयोग होईल.