TRENDING:
'पती एका तासासाठी' संकल्पना
न्यूयॉर्क पोस्टच्या एका अहवालानुसार, लातवियामध्ये पुरुषांची कमतरता इतकी वाढली आहे की, महिलांना घरच्या दुरुस्तीची आणि तांत्रिक कामांसाठी 'भाड्याने पती' बोलावावे लागतात. येथे महिलांची संख्या पुरुषांपेक्षा सुमारे 15 टक्के अधिक आहे. यामुळे लिंग गुणोत्तराचे मोठे असंतुलन निर्माण झाले आहे. ज्या कामांसाठी पुरुषांची मदत लागते, जसे की प्लंबिंग, कारपेंट्री, टीव्ही इन्स्टॉलेशन किंवा सामान्य घरातील देखभाल ती पूर्ण करण्यासाठी महिला थोड्या वेळेसाठी पुरुष 'हेल्पर्स'ची सेवा घेतात.
advertisement
सेवा पुरवणारे विशेष प्लॅटफॉर्म
'कोमांडा 24' सारखे प्लॅटफॉर्म येथे "मॅन विथ गोल्डन हँड्स" या नावाने ही सेवा पुरवतात. त्याचप्रमाणे Remontdarbi.lv सारख्या वेबसाइट्सवर पेंटिंग, घरातील दुरुस्ती आणि देखभालीसाठी महिला फोन करून 'एका तासासाठी पती' हायर करतात.
जोडीदाराच्या शोधात महिलांचे स्थलांतर
लातवियामधील हे लिंग असंतुलन केवळ तरुणांमध्येच नाही, तर वृद्ध लोकसंख्येमध्येही आहे. वर्ल्ड ॲटलसच्या एका अहवालानुसार, लातवियामध्ये 65 वर्षांपेक्षा जास्त वयाच्या लोकांमध्ये महिलांची संख्या पुरुषांपेक्षा जवळपास दुप्पट आहे. या गंभीर असंतुलनामुळे महिलांना योग्य जीवनसाथी शोधणे कठीण होत आहे. यामुळे त्यांच्या नात्यांमधील आव्हानेही वाढत आहेत. या लिंग असमानतेमुळे दैनंदिन जीवनात आणि कामाच्या ठिकाणी पुरुषांची कमतरता स्पष्टपणे जाणवते. त्यामुळे अनेक महिला चांगल्या जोडीदाराच्या शोधात परदेशातही स्थलांतर करत आहेत.
लातवियापुरता मर्यादित नाही ट्रेंड
'भाड्याने पती' ही संकल्पना केवळ लातवियापर्यंत मर्यादित नाही. 2022 मध्ये युकेमध्ये लॉरा यंग ही महिला खूप चर्चेत आली होती. तिने तिच्या पतीला म्हणजेच जेम्सला घरातील छोटी-मोठी कामे करण्यासाठी भाड्याने पाठवायला सुरुवात केली होती. जेम्स यांनी सुरू केलेल्या या व्यवसायाचे नाव "रेंट माय हँडी हसबंड" असे आहे. 42 वर्षीय जेम्स एका तासासाठी सुमारे 44 डॉलर आणि संपूर्ण दिवसासाठी 280 डॉलर शुल्क आकारतात. यामध्ये पेंटिंग, डेकोरेशन, टाइल्स लावणे, कार्पेट बसवणे आणि इतर कामे समाविष्ट असतात. ही सेवा इतकी लोकप्रिय झाली की त्यांना अनेक कामे नाकारावी लागली होती.
लातवियामधील हा ट्रेंड, लिंग गुणोत्तराचे असंतुलन आणि आधुनिक जीवनातील घरगुती मदतीची वाढती गरज या दोन्ही समस्यांना अधोरेखित करतो. या देशात पुरुषांची कमतरता आहे आणि ती कमतरतात भरून काढण्यासाठी महिला पुरुषांना भाड्याने कामावर बोलवतात.
Disclaimer : या बातमीत दिलेली माहिती आणि सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणत्याही सल्ल्याचे अनुसरण करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी न्यूज-18 जबाबदार राहणार नाही.