सोयाबीन बाजारात पुन्हा उलथापालथ, मका आणि कांद्याला किती मिळाला दर? इथं चेक करा
- Reported by:Pragati Bahurupi
- Published by:Mohan Najan
Last Updated:
11 डिसेंबर रोजी राज्यातील कृषी मार्केटमध्ये बुधवारच्या तुलनेत मका आणि सोयाबीनची आवक कमी झाली. तर कांद्याची आवक वाढली. कांदा, मका आणि सोयाबीनचे बाजारभाव जाणून घेऊ.
अमरावती : राज्यातील कृषी मार्केटमध्ये आज पुन्हा सोयाबीनच्या दरात काहीशी घसरण दिसून आली आहे. तसेच इतरही शेतमालाच्या दरांत चढ-उतार होताना बघायला मिळत आहे. 11 डिसेंबर गुरुवार रोजी राज्यातील कृषी मार्केटमध्ये कांद्याची आवक वाढली. तर सोयाबीन आणि मक्याची आवक बुधवारच्या तुलनेत कमी झालेली दिसून येत आहे. त्यातील सोयाबीन, कांदा आणि मका या महत्त्वाच्या तीन शेतमालांची आवक आज कृषी मार्केटमध्ये किती झाली? आणि भाव किती मिळाला? याबाबत माहिती जाणून घेऊ.
मक्याची आवक कमी सर्वाधिक दर स्थिर
कृषी मार्केट वेबसाईटवरील सायंकाळी 6.30 वाजताच्या रिपोर्टनुसार, 11 डिसेंबर रोजी राज्याच्या कृषी मार्केटमध्ये मक्याची एकूण आवक 32 हजार 386 क्विंटल इतकी झाल्याची नोंद आहे. यापैकी सर्वाधिक आवक नाशिक मार्केटमध्ये झाली. नाशिक मार्केटमधील 7 हजार 730 क्विंटल पिवळ्या मक्यास प्रतीनुसार 1450 ते 1813 रुपये प्रतिक्विंटल बाजार भाव मिळाला. तसेच मुंबई मार्केटमध्ये आवक झालेल्या 787 क्विंटल मक्यास कमीत कमी 2500 ते 3800 रुपये सर्वाधिक बाजारभाव मिळाला. बुधवारच्या तुलनेत मक्याच्या सर्वाधिक दरात कुठलाही बदल झालेला नाही. मात्र, इतर दरात चढ-उतार बघायला मिळत आहे.
advertisement
कांद्याची आवक वाढली
आज राज्याच्या कृषी मार्केटमध्ये कांद्याची एकूण आवक 1 लाख 49 हजार 959 क्विंटल इतकी झाली. यापैकी 41 हजार 616 क्विंटल सर्वाधिक आवक नाशिक बाजारात झाली. त्यास प्रतीनुसार 500 ते 2109 रुपयांपर्यंत बाजार भाव मिळाला. तसेच अहिल्यानगर मार्केटमध्ये आवक झालेल्या 403 क्विंटल कांद्यास 100 ते 4000 रुपये सर्वाधिक बाजारभाव मिळाला. बुधवारी मिळालेल्या सर्वाधिक दराच्या तुलनेत कांद्याच्या दरात काहीशी घट दिसून येत आहे. तर इतर दरात वाढ झालेली दिसून येत आहे.
Location :
Amravati,Amravati,Maharashtra
First Published :
Dec 11, 2025 9:55 PM IST
