IND vs NZ 4th T20 : हार्दिक OUT, श्रेयस IN... बेंचवरची ताकद तपासणार, कोणत्या चार खेळाडूंना मिळणार प्लेईंग इलेव्हनमधून डच्चू?

भारत आणि न्यूझीलंड यांच्यातील पाच सामन्यांच्या टी-ट्वेंटी मालिकेतील तिसरा सामना आज खेळवला जाईल. आज विशाखापट्टनम येथे हा सामना पार पडेल. भारताने मालिका आधीच नावावर केली आहे.

पहिले तिन्ही सामने जिंकून टीम इंडियाने टी-ट्वेंटी वर्ल्ड कपवर दावा ठोकला आहे. तर आता न्यूझीलंड नव्या प्रयोगासह मैदानात उतरेल अशी अपेक्षा आहे. तसेच टीम इंडियामध्ये देखील मोठे बदल होण्याची शक्यता आहे.

भारताचा स्टार फलंदाज श्रेयस अय्यर याला आज प्लेइंग इलेव्हनमध्ये स्थान मिळण्याची शक्यता आहे. गेल्या तिन्ही मॅचमध्ये त्याला संधी मिळाली नाही. तर श्रेयस अद्याप टी-ट्वेंटी वर्ल्ड कर स्कॉडचा भाग नाहीये.

तर दुसरीकडे रवी बिश्नोई याच्यावर पुन्हा सूर्यकुमार विश्वास ठेऊ शकतो. तिसऱ्या मॅचमध्ये त्याने आक्रमक बॉलिंग करत सर्वांना चकित केलं होतं. तसेच तो चांगला फिल्डर देखील आहे.

अक्षर पटेल हा वर्ल्ड कपमध्ये निर्णायक भूमिका बजावू शकतो. त्यामुळे त्याला पुन्हा न्यूझीलंडविरुद्धच्या सामन्यात संघात जागा मिळू शकते. ऑलराऊंडर म्हणून त्याची भूमिका महत्त्वाची असेल.

तर हर्षित राणाला विश्रांती देऊन कुलदीप यादव याला पुन्हा संघात संधी दिली जाण्याची शक्यता आहे. कुलदीप नेहमीच न्यूझीलंडसाठी डोकेदुखी ठरलाय.

टीम इंडियाची संभाव्य प्लेइंग इलेव्हन - अभिषेक शर्मा, संजू सैमसन, ईशान किशन, सूर्यकुमार यादव (कप्तान), श्रेयस अय्यर, शिवम् दुबे, अक्षर पटेल, रवि बिश्नोई, कुलदीप यादव, अर्शदीप सिंह, जसप्रीत बुमराह.