Astrology: मकर, मेषसह या 6 राशींना दुप्पट फायदा; फेब्रुवारीत शनिच्या राशीत 4 ग्रह जमल्याने खुशखबर

Published by:Ramesh Patil

Last Updated:Jan 27, 2026 7:38 AM IST

February Horoscope Marathi: लवकरच सालातील दुसरा फेब्रुवारी महिना सुरू होणार आहे. ज्योतिषशास्त्रीयदृष्ट्या हा महिना खास असेल, फेब्रुवारी महिन्यात कुंभ राशीत 4 ग्रहांचे गोचर होणार असून त्यामुळे काही राशींसाठी सुवर्णकाळ सुरू होण्याची शक्यता आहे. ज्योतिषशास्त्रानुसार, 4 फेब्रुवारीला बुध, 6 फेब्रुवारीला शुक्र, 13 फेब्रुवारीला सूर्य आणि 23 फेब्रुवारीला मंगळ कुंभ राशीत प्रवेश करतील. या राशीत शनी आणि राहू आधीच विराजमान असल्याने तिथे ग्रहांची मोठी युती होणार आहे. या बदलामुळे काही राशींच्या लोकांना सुख-समृद्धी लाभणार आहे.

1/6

सूर्य, मंगळ, बुध आणि शुक्र शनीच्या राशीत आल्याने मेष राशीच्या लोकांना मोठा आर्थिक लाभ होऊ शकतो. बुध ग्रह शुभ स्थानी असल्याने जीवनात सकारात्मकता येईल आणि रखडलेली कामे पूर्ण होतील. नोकरीमध्ये पदोन्नतीचे योग असून व्यवसायात नवीन योजना फायदेशीर ठरतील. उत्पन्नाचे नवीन स्रोत निर्माण झाल्यामुळे आर्थिक विवंचना दूर होतील.

2/6

वृषभ राशीच्या लोकांसाठी ग्रहांची ही युती करिअरमध्ये शुभ परिणाम देणारी ठरेल. नोकरी करणाऱ्यांना प्रगतीच्या संधी मिळतील, तर तरुणांना करिअरची नवीन सुरुवात करण्याची संधी मिळेल. वैयक्तिक आयुष्यातील समस्या दूर होऊन एखाद्या धार्मिक यात्रेचे योग जुळून येतील. कोणत्याही नवीन कामात यश मिळण्याची खात्री असेल.

3/6

मिथुन राशीच्या लोकांसाठी हे पाच ग्रहांचे एकत्र येणे सौभाग्य घेऊन येईल. परदेशात नोकरी मिळवण्याचे प्रयत्न यशस्वी होतील. वैयक्तिक आणि व्यावसायिक जीवनातील अडथळे हळूहळू दूर होतील. वडिलोपार्जित संपत्ती मिळण्याचे योग असून उत्पन्नात मोठी वाढ होईल. घरात अनेक आनंदाच्या बातम्या ऐकायला मिळतील.

4/6

तूळ राशीच्या लोकांसाठी हा काळ धनप्राप्तीचा असेल. पाचव्या भावात होणाऱ्या या बदलामुळे नोकरीत तुमच्या योग्यतेचा सन्मान होईल आणि मान-सन्मान वाढेल. नातेवाईकांच्या मदतीने घरगुती कामे मार्गी लागतील. शेअर बाजार किंवा आर्थिक व्यवहारातून मोठा लाभ होण्याची शक्यता असून संततीकडून सुखद बातम्या मिळतील.

5/6

धनु राशीच्या तिसऱ्या भावात पाच ग्रहांची युती होणे ही विशेष घटना आहे, त्यातच गुरु ग्रहाची यावर दृष्टी असल्याने यशाचे प्रमाण वाढेल. तुमची जीवनशैली पूर्णपणे बदलून जाईल आणि प्रत्येक कार्यात तुम्ही यशस्वी व्हाल. स्पर्धा परीक्षा आणि मुलाखतींमध्ये मोठे यश मिळण्याचे संकेत असून उत्पन्नात लक्षणीय वाढ होईल.

6/6

मकर राशीच्या लोकांसाठी धन स्थानी होणारी ही ग्रहांची गर्दी संपत्तीत वाढ करणारी ठरेल. पैसे कमवण्याचे नवीन मार्ग उपलब्ध होतील, ज्यामुळे कुटुंबाच्या गरजा सहज पूर्ण होतील. जुनी येणी वसूल होतील आणि मालमत्तेशी संबंधित वादांवर तुमच्या बाजूने तोडगा निघेल. शेअर बाजारात केलेल्या गुंतवणुकीतून चांगला परतावा मिळेल.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)

Astrology: मकर, मेषसह या 6 राशींना दुप्पट फायदा; फेब्रुवारीत शनिच्या राशीत 4 ग्रह जमल्याने खुशखबर

फोटो

ताज्या बातम्या