पारंपारिक पद्धतीला फाटा देत माळरानावर उभी केली ही शेती! नितीन पाटील आता करताय लाखोंची कमाई

अलिबाग : कोकणातील शेती म्हणजे तोट्याचा व्यवसाय, अशी धारणा आजही अनेकांच्या मनात आहे. मात्र पारंपरिक पिकांऐवजी नव्या प्रयोगांची कास धरली, तर कोकणातील शेतीही फायदेशीर ठरू शकते, हे रायगड जिल्ह्यातील रोहा तालुक्यातील शेतकरी नितीन पाटील यांनी प्रत्यक्ष कृतीतून सिद्ध करून दाखवले आहे. अवघ्या काही गुंठ्यांत त्यांनी यशस्वीपणे स्ट्रॉबेरीचे उत्पादन घेत कोकणातील शेतकऱ्यांसमोर नवा आदर्श ठेवला आहे.