बँकेच्या कामासाठी बाहेर पडताय? थांबा! आज बँक सुरू राहणार की बंद एकदा पाहा

पगारवाढ, पाच दिवसांचा कामाचा आठवडा आणि पेन्शनशी संबंधित काही जुन्या मागण्यांकडे सरकारचे लक्ष वेधण्यासाठी बँक कर्मचारी संघटनांनी या संपाचे हत्यार उपसले आहे. प्रशासनासोबत झालेल्या चर्चेच्या फेऱ्या निष्फळ ठरल्याने कर्मचाऱ्यांनी आज कामावर न जाण्याचा निर्णय घेतला आहे. यामुळे सलग चौथ्या दिवशी बँका बंद राहणार असून, चेक क्लिअरन्स आणि रोख व्यवहारांवर मोठा परिणाम झाला आहे.

नेट बँकिंग किंवा बँकांच्या अधिकृत मोबाईल अॅपद्वारे तुम्ही पैसे ट्रान्सफर करू शकता. गुगल पे, फोन पे सारख्या सेवा सुरळीत सुरू राहतील. सलग सुट्ट्यांमुळे काही ठिकाणी ATM बंद राहण्याची शक्यता नाकारता येणार नाही. जास्तीच्या गर्दीमुळे काही ठिकाणी पैसे संपण्याची शक्यता नाकारता येत नाही.

ज्या कामांसाठी प्रत्यक्ष बँकेत जाणे अनिवार्य आहे (उदा. नवीन खातं उघडणं, पासबुक प्रिंटिंग, मोठी रोख रक्कम काढणे किंवा सोन्याचे दागिने गहाण ठेवणे), ती कामं आज पूर्ण होऊ शकणार नाहीत. त्यामुळे तुमचा मौल्यवान वेळ आणि हेलपाटा वाचवण्यासाठी आज बँकेत जाणे टाळावे. त्यामुळे आज बँकेत न जाणं तुमच्यासाठी फायद्याचं ठरेल. हा संप आज असला तरीसुद्धा तो उद्याही सुरू राहणार आहे का याबाबत अद्याप कोणतीही माहिती देण्यात आली नाही.