आजचं हवामान: 6 जिल्ह्यांमध्ये पावसाचं संकट तर ऊन घाम काढणार, 72 तासांत हवामानात मोठे बदल, IMD कडून अलर्ट

देशाच्या हवामानात सध्या मोठी उलथापालथ सुरू आहे. उत्तर भारतात कडाक्याची थंडी आणि दाट धुक्याने जनजीवन विस्कळीत झालं असताना, महाराष्ट्रातील तापमानातही आता महत्त्वाचे बदल होण्याचे संकेत मिळत आहेत. हवामान खात्याने दिलेल्या ताज्या माहितीनुसार, आगामी काळात तापमानाचा पारा काहीसा वाढणार असला, तरी काही भागांत हुडहुडी कायम राहणार आहे. तर काही जिल्ह्यांमध्ये पावसाचं संकट राहील. अवकाळी पावसामुळे बागायतदार शेतकऱ्यांना मोठा फटका बसण्याची शक्यता आहे.