शासनाचा दणका! ६८ हजार रेशन कार्ड धारकांचा लाभ बंद होणार, तुमचाही समावेश आहे का?

पुणे : जिल्ह्यातील नागरिकांसाठी एक अत्यंत महत्त्वाची बातमी समोर आली आहे. जिल्ह्यातील सार्वजनिक वितरण व्यवस्थेत मोठ्या प्रमाणावर शुद्धीकरणाची मोहीम राबवली जात असून, त्याअंतर्गत तब्बल ६८ हजार संशयास्पद शिधापत्रिकांवर कारवाई होण्याची शक्यता आहे. गैरप्रकारांना आळा घालण्यासाठी आणि खऱ्या गरजू लाभार्थ्यांपर्यंतच सरकारी धान्य पोहोचावे, यासाठी ही कठोर पावले उचलली जात असल्याची माहिती प्रशासनाकडून देण्यात आली आहे. या कारवाईत पुणे शहरासह पिंपरी-चिंचवड आणि पुणे ग्रामीण भागातील शिधापत्रिका धारकांचा समावेश आहे.