राज्य कृषी विभागाचा मोठा निर्णय! १३ जैव उत्तेजकांवर घातली बंदी, नावांची यादी जाहीर

मात्र, या यादीतील काही उत्पादने प्राणिजन्य घटकांपासून (अॅनिमल सोर्स) तयार केली जात असल्याचा आरोप करत काही राज्यांतील बिगर कृषी संस्थांनी केंद्र शासनाकडे तक्रारी दाखल केल्या. या तक्रारींमुळे जैव उत्तेजकांच्या वापरासंदर्भात वाद निर्माण होण्याची शक्यता वाढली. वाद अधिक चिघळू नये, यासाठी केंद्र शासनाने सविस्तर अभ्यास न करता थेट खत नियंत्रण आदेशात सुधारणा केल्याचे सूत्रांचे म्हणणे आहे. या सुधारित आदेशानुसार संबंधित १३ उत्पादने जैव उत्तेजकांच्या अधिकृत यादीतून वगळण्यात आली.

कृषी आयुक्तालयाच्या सूत्रांनी स्पष्ट केले की, जैव उत्तेजकांच्या उत्पादन, विक्री आणि मान्यतेचा विषय पूर्णतः केंद्र शासनाच्या अखत्यारित येतो. त्यामुळे केंद्राच्या निर्णयानंतर राज्याकडे या १३ उत्पादनांवर बंदी घालण्याशिवाय कोणताही पर्याय नव्हता. त्यानुसार राज्यात या उत्पादनांची निर्मिती, विक्री आणि साठवणुकीस प्रतिबंध करणारा आदेश जारी करण्यात आला आहे. याशिवाय या उत्पादनांची आयातदेखील रोखण्यात आली आहे.

बंदी घालण्यात आलेली उत्पादने आढळून आल्यास संबंधित निविष्ठा कंपन्यांविरोधात फौजदारी स्वरूपाची कठोर कारवाई करण्यात येणार असल्याचा इशारा देण्यात आला आहे. राज्यातील प्रत्येक तालुक्यातील गुणनियंत्रण कक्षामार्फत कृषी अधिकाऱ्यांना या उत्पादनांवर विशेष लक्ष ठेवण्याच्या सूचना देण्यात आल्या आहेत. बाजारात, कृषी सेवा केंद्रांवर किंवा शेतकऱ्यांकडे ही उत्पादने आढळल्यास तत्काळ कारवाई केली जाणार आहे.

दरम्यान, बंदी घातलेली ही १३ जैव उत्तेजक उत्पादने कृषी आयुक्तालयाने परवाना वितरण प्रणालीतूनही हटवली आहेत. त्यामुळे सध्या राज्यात केवळ १४६ जैव उत्तेजक उत्पादनांसाठीच वैध परवाने अस्तित्वात आहेत. कृषी संचालक (निविष्ठा व गुणनियंत्रण विभाग) अशोक किरनळ्ळी यांनी स्पष्ट शब्दांत सांगितले की, “बंदी घातलेल्या उत्पादनांची निर्मिती, विक्री किंवा आयात टाळावी. नियमांचे उल्लंघन करणाऱ्यांवर कठोर कारवाई केली जाईल.”

२) मिक्श्चर ऑफ प्रोटिन हायड्रोलायसेट्स अॅण्ड अंटीऑक्सिडंटस एक्सट्रॅक्ट (लिक्विड)

३) मिक्श्चर ऑफ प्रोटिन हायड्रोलायसेट्स, सीवीड एक्सट्रॅक्ट अॅण्ड ह्युमिक अॅसिड (लिक्विड)

प्रोटिन हायड्रोलायसेट्स ३६.०४ टक्के (अॅनिमल सोर्स) (लिक्विड)

उपगट ५ प्रोटिन हायड्रोलायसेट्स ६२.५ टक्के (अॅनिमल सोर्स) (लिक्विड)

प्रोटिन हायड्रोलायसेट्स ४६.०९ टक्के (अॅनिमल सोर्स) (लिक्विड)

प्रोटिन हायड्रोलायसेट्स २९.३४ टक्के (अॅनिमल सोर्स) (लिक्विड) प्रोटिन हायड्रोलायसेट्स १२ टक्के (अॅनिमल सोर्स) (लिक्विड) प्रोटिन हायड्रोलायसेट्स ६८.३३ टक्के (अॅनिमल सोर्स) (लिक्विड) प्रोटिन हायड्रोलायसेट्स ५४ टक्के (अॅनिमल सोर्स) (लिक्विड) प्रोटिनहायड्रोलायसेट्स १५ टक्के (अॅनिमल सोर्स) (लिक्विड) प्रोटिन हायड्रोलायसेट्स २७.०५ टक्के (अॅनिमल सोर्स) (लिक्विड) उपगट ३३ प्रोटिन हायड्रोलायसेट्स ६२.५ टक्के (अॅनिमल सोर्स) (लिक्विड)