TRENDING:
यावरच एक उत्तम उपाय सांगितला आहे, मध्य प्रदेशातील सतना जिल्ह्यातील 56 वर्षीय शिक्षिका गिरिवाला सिंग तिवारी यांनी. बाजारात अनेक प्रकारचे प्रोडक्टस उपलब्ध असतात. मात्र शिक्षिका गिरिवाला सिंग तिवारी यांनी आयुष्यभर आपल्या केसांवर नैसर्गिक गोष्टींचा वापर केला. त्यांनी सांगितले की, त्यांनी कधीच रासायनिक शॅम्पू किंवा साबण वापरले नाहीत आणि आजही त्यांचे केस मजबूत, जाड आणि चमकदार आहेत. त्यांची जीवनशैली सभोवतालच्या लोकांसाठी कुतूहल आणि प्रेरणा बनली आहे.
advertisement
हा आहे घरगुती प्रभावी फॉर्म्युला..
सतना येथील शिक्षिका गिरिवाला सिंग तिवारी यांनी लोकल 18 ला सांगितले की, प्राचीन काळी लोक नैसर्गिक घटकांचा वापर करत होते, ज्यामुळे केस उशिरा पांढरे होत होते आणि केस गळणे कमी होते. त्यांनी सांगितले की, रासायनयुक्त शॅम्पू आणि साबण अकाली पांढरे होणे आणि केस गळण्याचे एक प्रमुख कारण आहेत.
गिरिवाला सिंग तिवारी यांनी सांगितले, रिठा, आवळा, शिकाकाई, मेथीचे दाणे आणि कोरफड हे घटक केसांना पोषण देतात आणि केसांची मुळे मजबूत करतात. पूर्वीचे लोक आपले केस काळी माती आणि मुलतानी मातीने धूत असत. पण आता हर्बल उत्पादनांच्या नावाखालीही भरपूर रसायनं त्या उत्पादनांमध्ये असतात. म्हणूनच शुद्ध आणि घरगुती पद्धतीने बनवलेले शॅम्पू हा सर्वोत्तम पर्याय आहे.
असा तयार कर घरगुती नैसर्गिक शॅम्पू..
गिरीवाला यांच्यामते, हा हर्बल शॅम्पू बनवणे खूप सोपे आहे. यासाठी 5-6 बिया काढून टाकलेले रिठा, 4-5 शिकाकाई, 3-4 वाळलेले आवळे आणि 2 चमचे मेथीचे दाणे 2-3 कप पाण्यात रात्रभर भिजवून ठेवा. दुसऱ्या दिवशी हे मिश्रण पाणी गडद होईपर्यंत आणि घटक मऊ होईपर्यंत अर्धा तास मंद आचेवर उकळा. थंड झाल्यानंतर मिश्रण हाताने पिळून सार काढा आणि नंतर मलमलच्या कापडातून किंवा बारीक गाळणीतून गाळून घ्या. त्यामध्ये 3-4 चमचे कोरफडीचा गर टाका. तयार शॅम्पू स्वच्छ काचेच्या बाटलीत एका आठवड्यापर्यंत साठवता येतो.
केसांच्या या त्रासांसाठी उपयुक्त..
गिरीवाला यांनी सांगितले, हा शॅम्पू आठवड्यातून पाच दिवस वापरता येतो. जर केसांत खूप जास्त कोंडा असेल, तर केस धुण्यापूर्वी एक तासासाठी शॅम्पू तसाच राहू द्या. नियमित वापराने सुमारे 15 दिवसांत लक्षणीय फरक दिसून येतो, ज्यामुळे केस मजबूत, चमकदार आणि कोंडामुक्त होतात.
Disclaimer : या बातमीत दिलेली माहिती आणि आरोग्याशी संबंधित सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून, डॉक्टरांचा सल्ला घेतल्यानंतरच काहीही वापरा. त्याच्या वापरामुळे होणाऱ्या कोणत्याही नुकसानासाठी लोकल-18 जबाबदार राहणार नाही.