TRENDING:
नोव्हेंबर महिन्यात ज्ञानेश्वर हिप्परकर यांनी शेताची मशागत करून कोळशाची राख टाकली आणि लसणाची लागवड केली. लसणावर करपा आणि भुरी रोग होण्याची शक्यता लक्षात घेऊन त्यांनी दोन-तीन वेळा फवारणी केली. केवळ चार महिन्यांत लसूण तयार झाले. लागवडीसाठी 20 ते 25 हजार रुपयांचा खर्च आला असून, विक्रीतून मिळणाऱ्या उत्पन्नाने नफा उभा राहिला.
advertisement
Video: सोलापूरच्या तरुणाने १ एकरात पिकवलं सोनं! फक्त ६० हजारांच्या खर्चात कमावले २.५ लाख
हिप्परकर हे व्यापाऱ्यांकडे विक्रीऐवजी स्वतः आठवडी बाजारात लसूण घेऊन जाऊन विकतात. यामुळे अधिक भाव मिळतो आणि नफा वाढतो. शेती परवडत नाही, असे म्हणणाऱ्या शेतकऱ्यांनी पिकाचे योग्य नियोजन करावे आणि बाजारात स्वतः विक्री करावी. असा प्रयोग केल्यास भरपूर उत्पन्न मिळेल, असा सल्ला त्यांनी दिला. हिप्परकर यांचा हा यशस्वी प्रयोग सध्या जिल्ह्यातील इतर शेतकऱ्यांसाठी प्रेरणादायी ठरत असून, कमी जमिनीतही योग्य नियोजनाद्वारे लाखो रुपये कमवता येतात, हे यातून स्पष्ट झाले आहे.