फक्त भाजीच नव्हे, तर या फळाचे 'बी'देखील शेकडो आजार करतात बरे; आजपासूनच घ्या डाएटमध्ये, रहा एकदम फिट

डॉक्टर अमित वर्मा (एमडी मेडिसिन) यांनी लोकल 18 ला सांगितलं की, भोपळा आणि त्याच्या बियांचं सेवन केल्याने आपलं आरोग्य चांगलं राहतं. त्यात अनेक औषधी गुणधर्म आहेत. भोपळ्याच्या बियांमध्ये प्रोटीन, फायबर, हेल्दी फॅट, झिंक, मॅग्नेशियम, लोह यांसारखी खनिजं आणि व्हिटॅमिन ई आणि बी सारखी व्हिटॅमिन्स असतात, जी आपल्याला अनेक रोगांपासून वाचवतात.

advertisement

त्वचा आणि केसांसाठी फायदेशीर : या बियांमध्ये आढळणारे व्हिटॅमिन ई, झिंक आणि हेल्दी फॅट्स तुमच्या त्वचेला चमकदार बनवतात आणि केस मजबूत करतात. नियमित सेवनाने केस गळण्याची समस्याही कमी होते.

मधुमेहात फायदेशीर : ज्या लोकांची ब्लड शुगर जास्त असते, त्यांनी रोज मूठभर भोपळ्याच्या बिया खाव्यात. भोपळ्याच्या बियांमध्ये फायबर भरपूर प्रमाणात असतं, ज्यामुळे रक्तातील साखरेची पातळी हळू हळू वाढते. या बियांचा ग्लायसेमिक इंडेक्स कमी असतो, ज्यामुळे शुगर नियंत्रणात राहते. याच्या सेवनाने स्वादुपिंड नैसर्गिकरित्या इन्सुलिन तयार करतं.

वजन नियंत्रणात राहतं : फायबरयुक्त भोपळ्याच्या बियांचं सेवन केल्याने वजन नियंत्रणात ठेवण्यास मदत होते. या बियांमुळे पोट बराच वेळ भरलेलं राहतं, शरीराला ऊर्जा मिळते आणि वजन कमी होतं. या बियांमध्ये ट्रिप्टोफॅन असतं, जे मानसिक स्थिती सुधारतं, ज्यामुळे ऊर्जेची पातळी वाढते.

पचनक्रिया मजबूत करते : भोपळ्याच्या बियांमध्ये फायबरचं प्रमाण जास्त असतं, ज्यामुळे पचनक्रिया सुरळीत काम करण्यास मदत करते. नियमित सेवनाने बद्धकोष्ठतेची समस्या दूर होते आणि पोट स्वच्छ राहतं.

हृदयाच्या समस्यांमध्ये फायदेशीर : या बियांमध्ये ओमेगा-3 आणि ओमेगा-6 फॅटी ऍसिड, मॅग्नेशियम आणि झिंकसारखे पोषक तत्वं असतात, जी हृदयाला निरोगी ठेवण्यास उपयुक्त आहेत. यामुळे रक्तदाब नियंत्रित ठेवण्यास आणि कोलेस्ट्रॉलची पातळी कमी करण्यासही मदत होते.

हे ही वाचा : सावधान! मधमाशांचा डंख ठरू शकतो जीवघेणा; वेळीच 'हे' उपाय करा, वाचू शकतो जीव! 

हे ही वाचा : सकाळी उठताच खा भिजलेला 'हा' ड्रायफूट, वजन-त्वचा-ॲसिडिटीच्या समस्या होतील दूर अन् चेहऱ्यावर येईल ग्लो