छत्रपती संभाजीनगर : उपास म्हटलं की आपण उपवासासाठी फक्त साबुदाणा खिचडी, भगर किंवा साबुदाण्याचे वडे खातो. पण हे नेहमीचे पदार्थ खाऊन आपल्याला कंटाळा येतो. त्यामुळे येणाऱ्या महाशिवरात्रीसाठी नेहमीपेक्षा वेगळा उपवासाचा पदार्थ ट्राय करण्याची इच्छा असेल तर अशांसाठी उपवासाचा चाट हा एक उत्तम पर्याय आहे. छत्रपती संभाजीनगरमधील येथील गृहिणी प्रज्ञा तल्हार यांनी उपवासाच्या चाटची खास रेसिपी सांगितली आहे.
advertisement
उपवासाच्या चाटसाठी साहित्य
दोन बटाटे, दोन रताळ, उपासासाठी चालणारे कोणतेही पीठ, हिरवी चटणी, गोड लाल चटणी, दही, उपवासाचा चिवडा, ड्राय फ्रुट्स हे साहित्य लागेल.
पुण्यात मिळतोय खान्देशचा फेमस पदार्थ, 130 रुपयांची डिश खायला होतेय गर्दी
चाट बनवण्याची कृती
सर्वप्रथम बटाटा आणि रताळ उकडून घ्यायचे. त्यानंतर त्यांचे साल काढून ते बारीक करून घ्यायचे. त्यानंतर त्यामध्ये आपल्याकडे जे कोणतेही उपवासासाठी चालणारी पीठ असेल ते चार चमचे घालायचं आणि त्याचा गोळा मळून घ्यायचा. त्यानंतर पारी करायची त्यामध्ये ड्रायफ्रूट्स घालायचे. आणि ते दहा ते पंधरा मिनिटं तव्यावरती फ्राय करून घ्यायचे. त्यासाठी थोडं तूप देखील वापरावा.
घरीच बनवा 10 मिनिटांत खस्ता नमकीन; या साहित्यापासून बनेल चविष्ट
हिरवी चटणी तयार करण्यासाठी हिरवी मिरची, कोथिंबीर आणि मीठ टाकून हे मिक्सरमधून काढून घ्यायचं आणि त्यावर लिंबू पिळून झाले की ही हिरवी चटणी तयार होते. गोड चटणी तयार करण्यासाठी आमचूर पावडर पाण्यात मिक्स करायचे. त्यामध्ये थोडासा गूळ घालायचा आणि हे मिश्रण शिजवून घ्यायचं. शिजवून झाल्यानंतर त्याला फोडणी घालायची. त्यामध्ये तूप आणि थोडेसे जिरे घालून आणि तिखट घालायचं आणि हे मिश्रण गरम करून घ्यायचं अशा प्रकारे लाल गोड चटणी तयार होते. दही हे फेटून घ्यायचं त्यामध्ये मीठ आणि साखर घालायची आणि हे दही तयार होते.
घरच्या घरी कोबी पासून बनवा स्क्रीप्सी व्हेज ड्राय मंच्युरियन, सोप्या रेसिपीचा पाहा Video
एका डिशमध्ये टिक्की घ्यायची त्यावरती प्रथम गोड चटणी टाकायची नंतर हिरवी चटणी टाकायची. त्यानंतर वरतून दही टाकायचे आणि परत हिरवी आणि गोड चटणी टाकायची आणि सगळ्यात शेवटी उपासाचा चिवडा टाकायचा. अश्या प्रकारचे तुमचे चाट तयार होईल. त्यामुळे महाशिवरात्रीला हे चॅट तुम्ही नक्की घरी ट्राय करा.