Recipe Video: आंबट गोड आवळ्याचा मुरांबा कसा बनवायचा? ठरेल आरोग्यासाठी गुणकारी; पाहा रेसिपी

साहित्य (१ किलो आवळ्यांसाठी)

• आवळे: १ किलो
• साखर किंवा गूळ: १ किलो (आवळ्याप्रमाणे)
• तूप: १-२ चमचे
• वेलची: ४-५ (ठेचलेली)लवंग: ४-५
• दालचिनी: १ इंच (ऐच्छिक)
• मीठ: चिमूटभर

कृती

• आवळा स्वच्छ धुवून घ्या.
• प्रत्येक आवळ्याला सुरीने किंवा काट्याने २-३ ठिकाणी टोचे मारा (त्यामुळे पाक आतपर्यंत जातो).

advertisement

• एका मोठ्या भांड्यात पाणी उकळून त्यावर चाळणी ठेवून आवळे १० मिनिटे वाफवून घ्या किंवा टोचलेले आवळे उकळत्या पाण्यात ५ मिनिटे ठेवा. (यामुळे आवळे कडू लागत नाहीत आणि पौष्टिक तत्व टिकतात).
• एका जाड बुडाच्या पातेल्यात साखर/गूळ आणि अर्धा कप पाणी घ्या. त्याला एकतारी पाक येईपर्यंत उकळा.
• पाकात वेलची, लवंग, दालचिनी आणि चिमूटभर मीठ टाका.
advertisement
• आता वाफवलेले आवळे पाकात टाका आणि ५-७ मिनिटे मंद आचेवर शिजू द्या.
• शेवटी १ चमचा तूप घालून मिक्स करा.
• आता आवळे पूर्णपणे थंड होऊ द्या.

साठवणूक- पूर्ण थंड झाल्यावर मोरावळा काचेच्या बरणीत भरा. हा मोरावळा फ्रिजशिवाय वर्षभर टिकतो आणि आरोग्यासाठी खूप पौष्टिक असतो.

टीप- आवळे उकडताना किंवा वाफवताना जास्त शिजवू नका, ते फक्त थोडे मऊ झाले पाहिजेत. गूळ वापरल्यास मोरावळ्याचा रंग गडद होतो आणि चवही छान लागते.