TRENDING:
साहित्य काय लागेल?
या प्रकारची शेव अगदी कमी साहित्यात तयार होते. यासाठी हरभरा डाळीचे पीठ, मीठ चवीनुसार, तेल लागेल.
घसा खवखवणार नाही, कांदा भज्जीसारखी सुरेख होईल अळूवडी, 6 सोप्या टीप्स
शेव बनवण्याची कृती
सुरवातीला हरभरा डाळीचे पीठ चाळणीने चाळून घ्या. यानंतर तुम्ही जितकी शेव करणार आहात त्यानुसार तेल घ्या आणि ते गरम करून या पिठात घाला. चमच्याने नीट मिक्स करा आणि थोडं तेल गार झाल्यावर हाताने सगळ्या गाठी फोडून घ्या, सगळ्या गाठी फोडून झाल्यावर त्यात चवीनुसार मीठ घालून मिक्स करा. आता या मिश्रणात थोडं थोडं पाणी घालत घट्ट गोळा मळून घ्या.
advertisement
पीठ पातळ करू नका, कारण पातळ पीठ केल्यास शेव मऊ होते. तळण्यासाठी तेल 70 टक्के गरम करा आणि थेट गरम तेलात शेव गाळा. शेव गाळताना एकमेकांवर खूप थर देऊ नका, नाहीतर शेव नीट तळली जाणार नाही. गॅसची फ्लेम मंद ते मध्यम ठेवा. शेव तळण्यासाठी फार वेळ लागत नाही. हलक्या हाताने चमच्याने शेव पलटून दोन्ही बाजूंनी तळा आणि नीट तेल निथळून चाळणीत काढा. अशा प्रकारे कुरकुरीत आणि चविष्ट घरगुती शेव तयार होते.