Adulterated Panner: पनीर खाण्यापूर्वी घ्या ‘ही’ काळजी; तुमच्या पनीरमध्ये भेसळ तर नाही ? शुद्ध पनीर ओळखायचं कसं ?

हे सुद्धा वाचा: लाखो रुपयांचा भेसळयुक्त खवा जप्त! तुम्ही खाता त्या मिठाईत तर नाही ना? कसं ओळखायचं?

सणासुदीच्या काळात मिठाईमध्ये भेसळ होण्याचं प्रमाण आणि भेसळखोरांवर कारवाईचं प्रमाण वाढतं. मात्र दूधाचं काय? पिशवीतल्या दुधात होणारी भेसळ हा एक सामान्य प्रकार झालाय. आधी सांगितल्या प्रमाणे पनीर हा एक दुग्धजन्य पदार्थ आहे. त्यामुळे जर दुधात भेसळ असेल तर त्या दुधापासून बनवलेलं पनीर खाणं आरोग्यासाठी धोकादायक ठरू शकतं. त्यामुळे तुम्ही खात असलेलं पनीर भेसळमुक्त असणं गरजेचं आहे.

advertisement

जाणून घेऊयात पनीरमधली भेसळ ओळखण्याच्या काही सोप्या टीप्स

दाबून पहा

खरेदी करताना पनीर हलक्या हातांना दाबून पहा. जर पनीर शुद्ध असेल तर दाबल्यानंतर त्यातून थोडं पाणी बाहेर येईल. मात्र जर त्यात भेसळ असेल तर ते तुटेल. त्यामुळे तुम्ही खरेदी करत असलेलं पनीर खरंच शुद्ध आहे का हे तुम्हाला लगेच कळून येईल.

सोयाबीन पावडर

पनीरचा छोटा तुकडा गरम पाण्यात उकळवा. थंड झाल्यानंतर त्यात थोडी सोयाबीन पावडर टाका. जर पनीरने आपला पांढरा रंग बदलला, आणि ते लाल रंगाचं झालं तर समजून जा की ज्या दुधापासून हे पनीर तयार केलंय त्यात डिटर्जंट किंवा युरिया मिसळलेला आहे.

हे सुद्धा वाचा:

आयोडीन

पनीरमधील भेसळ ओळखण्यासाटी टिंक्चर आयोडिन एक उत्तम पर्याय आहे. यासाठी तुम्हाला पनीर एका भांड्यात पाणी घेऊन त्यात पनीरचे तुकडे उकळवून घ्यायचे आहेत. थंड झाल्यानंतर त्यात टिंक्चर आयोडिनचे काही थेंब टाका. जर पनीरचा रंग निळा तर भेसळ असल्याचं सिद्ध होईल.

तुरीची डाळ

पनीरची भेसळ ओळखण्यासाठी तुरीच्या डाळीचा वापर करता येतो. यासाठी गरम पाण्यात पनीर उकळून घ्या. थंड झाल्यानंतर त्यात तुरीची डाळ टाका. जर पनीरचा रंग बदलून तो लाल झाला तर समजून जा की तुम्ही आणलेलं पनीर भेसळयुक्त आहे.