Nashik : तुम्ही पित असलेल्या दुधात भेसळ तर नाही ना? पॉवडरपासून बनवलं जातंय दूध, नाशिकमधील प्रकार

नाशिकच्या निफाड तालुक्यात एक धक्कादायक प्रकार समोर आला आहे. या ठिकाणी विशिष्ट प्रकारची पावडर वापरून दूध तयार केले जात होते.

स्थानिक गुन्हे शाखेच्या पथकाने छापा टाकत भेसळयुक्त दूध नष्ट करत संशयितांना ताब्यात घेतले आहे.

या कारवाईत 420 लिटर भेसळयुक्त दूध नष्ट करण्यात आलं आहे. या आधी सिन्नर परिसरात अशाच प्रकारच्या भेसळयुक्त दूध तयार करणाऱ्या डेरीवर कारवाई करण्यात आली होती.

विशिष्ट प्रकारची पावडर वापरुन दूध तयार होत असल्याची माहिती अन्न व औषध प्रशासन विभागाला मिळाली होती. त्यानुसार ही कारवाई करण्यात आली.

भेसळ दूध तयार करण्यासाठी लागणारा 48 हजार रुपयांचा मालदेखील जप्त करण्यात आला आहे. पोलीस, महसूल आणि अन्न औषध प्रशासनाने ही संयुक्तिक कारवाई केली आहे.