स्पीड डेटिंग म्हणजे काय?
स्पीड डेटिंग हा प्रकार 1990 मध्ये यहुदी समाजामध्ये सुरू झाला. त्यावेळी विवाहासाठी योग्य जोडीदार शोधण्याचा हा एक मार्ग होता. एका ठिकाणी अनेक मुलं-मुली जमायचे, काही मिनिटे एकमेकांशी बोलायचे आणि नंतर कोणाशी पुढे भेटायचं हे ठरवायचे. आजच्या घाईच्या जीवनशैलीत, दीर्घकाळ डेट करण्यासाठी वेळ नसतो. म्हणूनच तरुण वर्ग स्पीड डेटिंगचा पर्याय निवडतो.
advertisement
3 ते 8 मिनिटांची भेट
रिलेशनशिप एक्सपर्ट गीतांजली शर्मा यांच्या मते, स्पीड डेटिंगची खासियत म्हणजे एका संध्याकाळी अनेक लोकांशी संवाद साधण्याची संधी मिळते. या प्रकारात प्रेम प्रथमदर्शनी होत नाही. तरुण-तरुणी 3 ते 8 मिनिटे बोलतात आणि मग विचार करतात की कुणासोबत पुढे भेटायचं. काही जणांना अपेक्षित जोडीदार मिळतो, तर काहींना उपलब्ध पर्यायांमुळे गोंधळ उडतो.
स्पीड डेटिंगमध्ये जुळवणीपेक्षा पर्याय अधिक
स्पीड डेटिंग पूर्णपणे संवाद आणि पहिल्या इम्प्रेशनवर अवलंबून असतं. एका व्यक्तीला कोणीतरी आवडतं, पण त्या व्यक्तीला कोणी दुसराच आवडतो. येथे अनेक पर्याय असल्याने नातं पटकन जुळण्याऐवजी गोंधळ निर्माण होतो. एवढ्या कमी वेळेत भावनिक जुळवणी होईलच असं नाही.
मानसिक आणि भावनिक जोडणीचा अभाव
स्पीड डेटिंगमध्ये लुक्स आणि कपड्यांवरून पहिली छाप पडते. एवढ्या कमी वेळात व्यक्ती स्वतःचं योग्यरीत्या सादरीकरण करू शकत नाही, त्यामुळे खरी जुळवणी होत नाही. कोणत्याही नात्यात मानसिक आणि भावनिक जोडणी अत्यंत महत्त्वाची असते. काही तरुणांसाठी हा प्रकार केवळ मजा करण्याचा मार्ग असतो.
स्पीड डेटिंग पुरेसं नाही!
थोड्याच वेळाच्या भेटीत एखादी व्यक्ती आकर्षित होऊ शकते, पण दीर्घकालीन नात्यासाठी अधिक वेळ घालवणं गरजेचं आहे. 3 ते 8 मिनिटांच्या भेटीनंतर त्या व्यक्तीसोबत अनेकदा भेटावं, एकमेकांचे विचार जाणून घ्यावेत. कोणत्याही नात्यात प्रेम जसं महत्त्वाचं असतं, तसंच परस्पर विश्वास आणि आदरही महत्त्वाचा असतो.
डेटिंग साइट्स घेत आहेत पुढाकार
आज अनेक ऑनलाइन डेटिंग प्लॅटफॉर्म्स स्पीड डेटिंग इव्हेंट्स आयोजित करतात. हे कार्यक्रम प्रामुख्याने सुट्टीच्या दिवशी होतात आणि त्यासाठी मोठी फी आकारली जाते. या इव्हेंट्समध्ये अनेक तरुण-तरुणी सहभागी होतात. मजा-मस्ती, खाद्यपदार्थ, मनोरंजन, आणि खेळांमध्ये सहभागी होता येतं. मात्र, कोणालाही त्याच्या फोन नंबर किंवा संपर्क माहिती शेअर करण्याची परवानगी दिली जात नाही. हे इव्हेंट्स स्वयंवरासारखे असतात जिथे सहभागी होणाऱ्यांना जोडीदार निवडण्याचं स्वातंत्र्य असतं.
स्पीड डेटिंगमुळे नवीन लोकांशी ओळख होते, संवाद कौशल्य सुधारते आणि तात्पुरता आनंद मिळतो. मात्र, खरं प्रेम आणि दीर्घकाळ टिकणारं नातं शोधण्यासाठी जास्त वेळ आणि समजूतदारपणाची गरज असते!
हे ही वाचा : Chanakya Niti : व्हॅलेंटाईन वीकनिमित्त 'चाणक्यनीती' जरूर वाचा, दिलाय प्रेम वाढवण्याचा फॉर्म्युला
हे ही वाचा : Chanakya Niti : तुम्ही जिच्यावर प्रेम करताय ती तुमच्यासाठी किती लकी? चाणक्यनीतीत सांगितलंय