TRENDING:
नक्की काय आहे हा व्हायरल दावा?
गेल्या काही दिवसांपासून सोशल मीडियावर एक फोटो प्रचंड शेअर केला जात आहे. या फोटोसोबत असा दावा केला जात आहे की, एका 42 वर्षीय शिक्षकाने (मास्टरजी) आपल्याच शाळेत शिकणाऱ्या 22 वर्षांच्या विद्यार्थिनीशी दुसरं लग्न केलं आहे. इतकंच नाही, तर या मास्टरजींच्या पहिल्या पत्नीलाही या लग्नाबद्दल कोणतीही हरकत नसल्याचं या पोस्टमध्ये म्हटलं आहे. हा दावा वाचून अनेकांच्या भुवया उंचावल्या आहेत.
advertisement
व्हायरल फोटोमध्ये काय दिसत आहे?
व्हायरल होत असलेल्या फोटोमध्ये एक पुरुष, दोन महिला आणि एक लहान बाळ स्विमिंग पूलमध्ये मस्ती करताना दिसत आहेत. या फोटोवर मजेशीर कॅप्शन देत लिहिलंय, हे आहेत 42 वर्षांचे मास्टरजी, ज्यांनी आपल्याच शाळेतील 22 वर्षांच्या विद्यार्थिनीशी दुसरं लग्न केलं. विशेष म्हणजे पहिल्या पत्नीलाही याची काहीच अडचण नाहीये.
पुढं उपरोधिकपणे असंही लिहिलंय की, आम्हाला वाटतं आम्ही फक्त रांगेत उभा राहण्यासाठी आणि जनगणना वाढवण्यासाठीच जन्माला आलो आहोत. खरं आयुष्य तर हे मास्टरजी जगत आहेत. हा फोटो पाहून नेटकऱ्यांनी कमेंट्सचा पाऊस पाडला आहे. कुणी विचारतंय, "मास्टरजी शाळेत सिलॅबस शिकवायला जातात की प्रेमाचे धडे द्यायला?", तर कुणी स्वतःच्या नशिबाला दोष देत आहे.
काय आहे या फोटोचं खरं सत्य?
जेव्हा या फोटोची सखोल चौकशी आणि 'फॅक्ट चेक' करण्यात आले, तेव्हा यातील धक्कादायक सत्य समोर आलं. या फोटोचा आणि त्यासोबतच्या कथेचा लांबलांबपर्यंत काहीच संबंध नाहीये. तपासणीत असं समोर आलं आहे की, हा फोटो मीम (Meme) बनवण्यासाठी जाणीवपूर्वक एडिट करण्यात आला आहे.
AI आणि एडिटिंगचा वापर: 'X' (ट्विटर) च्या ग्रोक (Grok) या AI टूलने दिलेल्या माहितीनुसार, या फोटोतील चेहऱ्यांचे हावभाव एडिटिंग टूल्स किंवा AI च्या मदतीने बदलण्यात आले आहेत. जेणेकरून तो फोटो अधिक चर्चेचा विषय ठरेल.
फोटोतील व्यक्ती शिक्षक आहे किंवा त्यांनी विद्यार्थिनीशी लग्न केलं आहे, याचे कोणतेही पुरावे उपलब्ध नाहीत. ही केवळ सोशल मीडियावर व्ह्यूज मिळवण्यासाठी रचलेली एक काल्पनिक आणि खोटी कथा आहे.
सोशल मीडियावर दिसणाऱ्या प्रत्येक गोष्टीवर डोळे झाकून विश्वास ठेवू नका. अनेकदा साध्या कौटुंबिक फोटोंचा वापर करून अशा वावड्या उठवल्या जातात. त्यामुळे अशा अफवा शेअर करण्यापूर्वी त्याची शहानिशा करणे गरजेचे आहे.