What Is Edible Candle : आधी पेटवा, मग खा! व्हायरल होतेय ही 'एडिबल कँडल', चव अशी की बोटं चाटत राहाल..

रेस्टॉरंट्स, कॅफे आणि होम डिनर पार्ट्यांमध्ये ही आयडिया झपाट्याने लोकप्रिय होत आहे. खास बाब म्हणजे, ही कँडल घरीही अतिशय सोप्या पद्धतीने बनवता येते. यासाठी कोणत्याही महागड्या साहित्याची किंवा अवघड तंत्राची गरज नसते. बटर आणि गार्लिकसारख्या सामान्य किचन आयटम्सपासून ही कॅंडल तयार होते. डिजिटल मीडिया आणि फूड कंटेंट क्रिएटर्ससाठीही हा एक उत्तम विषय आहे, कारण दिसायला वेगळा, बनवायला सोपा आणि शेअर करण्यासारखा आहे. या लेखात आपण सोप्या भाषेत जाणून घेणार आहोत की, ब्रेडसाठी बटर गार्लिक एडिबल कँडल कशी बनवायची आणि सर्व्ह करताना कोणत्या गोष्टींची काळजी घ्यायची.

advertisement

एडिबल कँडल म्हणजे काय?

एडिबल कॅंडल म्हणजे प्रत्यक्षात फ्लेवर केलेलं बटर असतं, जे कॅंडलच्या आकारात घट्ट केलं जातं. यामध्ये मधोमध फूड ग्रेड वात लावलेली असते. जेव्हा ती पेटवली जाते, तेव्हा बटर हळूहळू वितळतं आणि गरम, सुगंधी सॉससारखं वापरता येतं. हे विशेषतः ब्रेड, बन किंवा टोस्टसोबत सर्व्ह केलं जातं.

बटर गार्लिक एडिबल कँडल बनवण्यासाठी लागणारे साहित्य

- अनसॉल्टेड बटर

- बारीक चिरलेला लसूण

- थोडंसं मीठ

- ड्राय हर्ब्स किंवा काळी मिरी

- फूड ग्रेड कॉटनची वात

- सिलिकॉन किंवा छोट्या ग्लासचा मोल्ड

बनवण्याची सोपी पद्धत

- सर्वप्रथम बटर मंद आचेवर वितळवा. गॅस जास्त ठेवू नका, जेणेकरून बटर जळणार नाही. आता त्यात बारीक चिरलेला लसूण घाला आणि हलकं शिजू द्या, जोपर्यंत सुगंध येत नाही. त्यानंतर मीठ आणि आवडीचे हर्ब्स मिसळा. हे मिश्रण थोडं थंड होऊ द्या.

- आता मोल्डच्या मध्यभागी वात सरळ उभी ठेवा आणि तयार केलेलं बटर मिश्रण हळूच त्यात ओता. वात हलू नये याची काळजी घ्या. मोल्ड फ्रिजमध्ये ठेवा आणि बटर पूर्णपणे घट्ट होऊ द्या. काही तासांनंतर तुमची एडिबल कँडल तयार होईल.

सर्व्ह करण्याची पद्धत

सर्व्ह करताना कँडल हीट-सेफ प्लेटवर ठेवा. खाण्याच्या अगदी आधी वात पेटवा आणि काही सेकंद जळू द्या. जेव्हा बटर वितळू लागेल, तेव्हा ब्रेड त्यात बुडवा किंवा वरून ओता. गरम बटर आणि लसणाचा सुगंध खाण्याची मजा अनेक पटींनी वाढवतो.

या गोष्टी लक्षात ठेवा

नेहमी फूड ग्रेड वातच वापरा. कँडल जास्त वेळ पेटवून ठेवू नका. मुलांच्या जवळ जळत्या अवस्थेत ठेवू नका. स्वच्छ आणि ताज्या साहित्याचाच वापर करा.

Disclaimer : या बातमीत दिलेली माहिती आणि सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणत्याही सल्ल्याचे अनुसरण करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी न्यूज-18 जबाबदार राहणार नाही.