Saina Nehwal Retirement : ऑलिम्पिक स्टार 'फुलराणी'ने अखेर जाहीर केली निवृत्ती, पॉडकास्टमध्ये गौप्यस्फोट! 35 वर्षाच्या प्रवासाला ब्रेक

Saina Nehwal retire From badminton : देशाची दिग्गज खेळाडू आणि ऑलिम्पिक पदक विजेती सायना नेहवाल हिने स्पर्धात्मक बॅडमिंटनमधून निवृत्ती जाहीर केली आहे. गेल्या अनेक दिवसांपासून ती कोर्टपासून दूर होती, मात्र सोमवारी तिने आपल्या या निर्णयावर शिक्कामोर्तब केलं आहे. सायना गेल्या अनेक काळापासून गुडघ्याच्या गंभीर दुखापतीने त्रस्त होती. एका पॉडकास्टमध्ये बोलताना तिनं स्पष्ट केलं की, तिचे शरीर आता उच्च स्तरावरील खेळाचा ताण सहन करण्यास सक्षम नाही. 2012 च्या लंडन ऑलिम्पिकमध्ये कांस्य पदक जिंकून इतिहास घडवणाऱ्या सायनाने 2023 च्या सिंगापूर ओपनमध्ये आपली शेवटचा मॅच खेळली होती.