3 वर्षांच्या चिमुकलीला बिबट्याने अक्षरश: अंगणातून दबक्या पावलांनी पळवून शेतात नेलं. चिमुकलीसोबत काहीतरी भयंकर घडल्याचं आईला जाणवलं, ती बाहेर येईपर्यंत बिबट्या तिच्या डोळ्यादेखत पसार झाला. तोपर्यंत बराच उशीर झाला. आरडाओरडा करुन आईनं मुलीला वाचवण्यासाठी मदत मागितली. रात्री उशिरा शेजारच्या ऊसाच्या शेतात अर्धवट खालेल्या अवस्थेत चिमुकलीचा मृतदेह सापडला.
वन विभागाविरोधात आक्रमक पवित्रा
advertisement
या सगळ्या प्रकरणामुळे नागरिकांनी संताप व्यक्त केला. ही धक्कादायक घटना अहिल्यानगरच्या अकोले तालुक्यातील देवठाण इथे शेळके वस्तीत घडली. तीन वर्षीय कविता लहानु गांगड या बालिकेचा बिबट्याच्या हल्ल्यात मृत्यू झाला. दुदैवी घटनेनंतर वनविभागाने तातडीने पिंजरा लावत दोन बिबट्यांना केलं जेरबंद. त्यामध्ये एक मादी आणि एक दुसरा बिबट्या असल्याची प्राथमिक माहिती मिळाली आहे.
Manchar Leopard Attack: ऊसातून झडप घातली, खाली दाबलं अन् फरफटत ओढून नेलं, आजोबांनी सांगितलं थरारक घटनाक्रम
57 वर्षीय महिलेचा मृत्यू
यापूर्वीही मे महिन्यात देवठाण येथे बिबट्याच्या हल्ल्यात विठावाई काळे या 57 वर्षीय महिलेचा झाला होता मृत्यू झाला होता. वारंवार बिबटयाच्या हल्ल्यांमुळे अकोले तालुक्यात दहशतीचे वातावरण आहे. अकोले तालुक्यातील ग्रामीण भागातील बिबटे जेरबंद करा या मागणीसाठी उद्या देवठाण गावात रास्ता रोकोही केला होता. लहान मुलं सुरक्षित नाहीत, वारंवार बिबट्याचे हल्ले होत असल्याचं समोर आलं आहे.
शेतशिवारात कुंपण घालण्याची वेळ
ऊस, मका, गवत, इतर पिकांसाठी बिबट्यापासून संरक्षण करण्यासाठी कुंपण घालण्याची वेळ आली आहे. या भागात वारंवार बिबट्याचे हल्ले होत आहेत. घर, शेत, अंगणात बिबट्यात अगदी मोकाट फिरत असतो. त्यामुळे वारंवार हल्ल्याच्या घटना होत आहेत. वनविभागाने तातडीनं उपाययोजना करण्याची मागणी केली आहे. बिबट्याच्या ठशांचा पाठलाग करून पिंजरा लावून दोघांना जेरबंद केलं आहे. आणखी शोधमोहीम सुरू आहे.