PSI Accident : पोरीचा शाळेत पहिला नंबर आला, बापानं पेढे वाटले पण घरी येताना सेकंदात होत्याचं नव्हतं झालं! Video

त्रिशाचा जागीच मृत्यू

मिळालेल्या माहितीनुसार, राहुल वानखडे हे आपल्या पत्नी आणि मुलीसह तळेगावच्या दिशेने खाजगी कारने जात होते. देवगाव चौफुलीवर धामणगाववरून यवतमाळकडे जाणाऱ्या एका रुग्णवाहिकेने त्यांच्या कारला जोरदार धडक दिली. धडक इतकी भीषण होती की वानखडे यांची कार पूर्णपणे चकणाचूर झाली. या अपघातात त्रिशाचा जागीच मृत्यू झाला, तर राहुल वानखडे आणि त्यांची पत्नी गंभीर जखमी झाले असून त्यांच्यावर यवतमाळ येथे उपचार सुरू आहेत.

advertisement

वर्गात प्रथम क्रमांक अन् पेढे वाटले

हृदयद्रावक बाब म्हणजे, 8 वर्षीय त्रिशा ही धामणगाव येथील शाळेत तिसरीच्या वर्गात शिकत होती. परीक्षेत तिचा वर्गात प्रथम क्रमांक आल्यामुळे वानखडे कुटुंबीय आनंदात होते. वानखेडे कुटूंबियांनी शाळेत पेढे वाटण्यासाठी गेले होते. शाळेतून परतत असताना देवगाव येथील पेट्रोल पंपावर पेट्रोल भरून बाहेर निघतानाच काळाने त्यांच्यावर घाला घातला. आनंदाचे वातावरण क्षणात शोकाकुळ झालं. तर गाडीतील दोघं गंभीर जखमी झाले आहेत.

अँब्युलन्स ड्राईव्हरवर कारवाई होणार का?

दरम्यान, तळेगाव दशासर पोलिसांनी या घटनेची नोंद केली असून सीसीटीव्ही फुटेजच्या आधारे अपघाताच्या नेमक्या कारणांचा शोध घेतला जात आहे. पोलीस उपनिरीक्षकाच्या कुटुंबावर ओढवलेल्या या प्रसंगामुळे संपूर्ण जिल्ह्यात हळहळ व्यक्त केली जात आहे. एक हुशार आणि गुणी मुलगी अपघातात दगावल्याने परिसरात शोककळा पसरली आहे. तर आता अँब्युलन्स ड्राईव्हरवर कारवाई होणार का? असा सवाल विचारला जात आहे.