ट्रेन मिळाली नाही विमानाने जा! संभाजीनगर-हैदराबाद प्रवास होणार सुखद, आठवड्यातून इतके दिवस करता येणार विमान प्रवास

सिव्हिल एव्हिएशन कमिटीचे अध्यक्ष सुनीत कोठारी यांनी सांगितले की, छत्रपती संभाजीनगर विमानतळावरून प्रवाशांचा प्रतिसाद अत्यंत उत्साहवर्धक आहे. त्यामुळे इंडिगोने मर्यादित दिवसांऐवजी दररोज उड्डाण सुरू करण्याचा निर्णय घेतला आहे. व्यापारी, विद्यार्थी, वैद्यकीय कारणांसाठी तसेच नोकरीसाठी प्रवास करणाऱ्यांना या निर्णयाचा मोठा फायदा होईल.

दरम्यान 26 ऑक्टोबरपासून लागू होणाऱ्या नवीन वेळापत्रकानुसार पुन्हा आठवड्यातून तीन दिवसच सकाळी हैदराबाद उड्डाण राहील. मात्र, प्रवाशांचा प्रतिसाद लक्षात घेऊन ही सेवा कायमस्वरूपी दररोज सुरू करण्याचा विचार करण्यात येईल, अशी माहिती कोठारी यांनी दिली. तज्ज्ञांच्या मते, या उपक्रमामुळे दोन्ही शहरांतील व्यावसायिक आणि पर्यटन व्यवहारांमध्ये आणखी वाढ होण्याची शक्यता आहे.

advertisement