TRENDING:
बदलापूर नगर परिषदेसाठी आज मतदान पार पडत आहे. सहा जागांवरील मतदानाची तारीख पुढे ढकलण्यात आल्याने ४३ जागांवर इथे मतदान होत आहे. आज सकाळच्या सुमारास भाजप आणि शिवसेना शिंदे गटाच्या कार्यकर्त्यांमध्ये वादावादी झाली. या वादावादीनंतर दोन्ही गटात हाणामारी झाली. पोलिसांनी तात्काळ धाव घेत परिस्थिती नियंत्रणाखाली आणली. या वादानंतर बदलापूरमध्ये काही वेळेसाठी तणाव निर्माण झाला होता.
advertisement
सकाळच्या वादानंतर काही तासामध्ये पुन्हा एकदा दोन्ही पक्षांचे कार्यकर्ते भिडले. भाजप उमेदवार रमेश सोळंके यांच्या मुलाला शिवसेना शिंदे गटाच्या कार्यकर्त्यांनी मारहाण केल्याचे समोर आले. पोलीस स्टेशनबाहेरच आणि पोलीस बंदोबस्त असतानाही शिंदे गटाच्या कार्यकर्त्यांनी सोळंके यांच्या मुलाला हाणलं असल्याची घटना घडली.
या घटनेनंतर भाजप आणि शिंदे गटात मोठा तणाव निर्माण झाला आहे. आज सकाळीदेखील बदलापूर पश्चिमेतील गांधी नगर टेकडी परिसरातील एसटी बसस्टँड जवळ भाजपा आणि शिंदे गटाच्या शिवसेना कार्यकर्त्यांमध्ये अचानक जोरदार वाद झाला होता. त्यानंतर काही वेळातच हा वाद वाढला आणि जोरदार राडा झाला. निवडणूक जाहीर झाल्यानंतर भाजप-शिंदे गटामध्ये तणावाची स्थिती दिसून आली होती. आता निवडणुकीत हा वाद चांगलाच वाढला आहे.