TRENDING:
...म्हणूनच संतोष देशमुख यांची हत्या
खासदार बजरंग सोनावणे यांनी न्यूज 18 लोकमतशी बोलताना हा आरोप केला. खासदार सोनावणे यांनी म्हटले की, मागच्या महिन्यात जो गुन्हा दाखल होता. तेव्हा जर कारवाई झाली असती तर हे सगळं घडलं नसतं. पोलिसांनी वेळीच गुन्हा दाखल केला असता तरी ही घटना घडली नसती. आमच्या खंडणी गोळा करण्याच्या कामात जर अडथळा निर्माण केला तर काय होतं हे दाखवण्यासाठीच संतोष देशमुख यांची हत्या करण्यात आल्याचा दावाही बजरंग सोनावणे यांनी केला.
advertisement
बजरंग सोनावणे यांनी म्हटले की, संतोष देशमुखांची हत्या झाली तेव्हा आरोपी कराड हा परळीत होता. हत्या झाल्यानंतर आरोपी आणि पोलिसांची भेट झाली. त्यानंतर हा आरोपी एका नेत्याच्या फार्म हाऊसवर भेटला असल्याचा दावाही सोनावणे यांनी केला. त्यानंतर आरोपी कराड शपथविधीला पोहोचतो आणि तेव्हा अटक का झाली नाही असा सवालही खासदार सोनावणे यांनी केला.
राज्याचे उपमुख्यमंत्री अजित पवार यांनी मस्साजोगचा दौरा केला. त्यावेळी त्यांच्या मस्साजोगच्या दौऱ्याच्या ताफ्यात एक कार होती. त्याच कारमधून हा आरोपी (वाल्मिक कराड) पोलीस स्टेशनला पोहोचला असल्याचा दावाही खासदार सोनावणे यांनी केला. संशियत आरोपी वाल्मिक कराड हा ज्या घरात थांबला, त्याचाही तपास झाला पाहिजे अशी मागणीही सोनावणे यांनी केली.
हत्या प्रकरणातील तीन आरोपी फरार...
संतोष देशमुख हत्या आणि खंडणी प्रकरणातील तीन आरोपी फरार आहेत. या तिन्ही आरोपींचा शोध सुरू आहे. संतोष देशमुख हत्या प्रकरणात सुदर्शन घुले, कृष्णा आंधळे आणि सुधीर सांगळे हे तीन आरोपी फरार आहेत. ल्मिक कराडसाठी हे काम करत असल्याचे म्हटले जात आहे. आता या प्रकरणातील खंडणीचा गुन्हा दाखल असलेला वाल्मिक कराड हा सीआयडीसमोर शरण आला. त्यानंतर आता या मुख्य आरोपींचा शोध सुरू झाला आहे.