Massajog Sarpanch: मस्साजोगचा नवा कारभारी कोण? संतोष देशमुखांच्या हत्येनंतर पोटनिवडणूक जाहीर

सरपंच संतोष देशमुख यांची हत्या

बीडमधील मस्साजोगचे सरपंच संतोष देशमुख यांची डिसेंबर 2024 मध्ये वाल्मीक कराड आणि त्याच्या टोळीने हत्या केली होती. तेव्हापासून मस्साजोगचं सरपंचपद रिक्त आहे. आता बीड जिल्ह्यातील 88 जागांसाठी पोटनिवडणूक होत आहे. यामध्ये 16 थेट सरपंच आणि 72 सदस्य पदांच्या निवडी होणार आहेत. विशेष म्हणजे यातील 45 जागा लोकप्रतिनिधींचं निधन झाल्याने रिक्त आहेत. तर 20 जागा अपात्रतेमुळे रिक्त झालेल्या आहेत.

advertisement

मुलगी पाहायला जाण्यास नकार, तरुणासह पती-पत्नीसोबत भयंकर घडलं, बीडमध्ये खळबळ

निवडणूक बिनविरोध होणार का?

संतोष देशमुख यांच्या हत्येनंतर मस्साजोग महाराष्ट्रात चर्चेत आलं होतं. त्यांच्या निधनानंतर त्यांचे भाऊ धनंजय देशमुख सक्रिय आहेत. आता या निवडणुकीत संतोष देशमुख यांचे बंधू किंवा पत्नीला उमेदवारी मिळण्याची शक्यता वर्तवली जात आहे. मात्र, ही निवडणूक बिनविरोध होणार की ग्रामपंचायतमध्ये रणसंग्राम होणार? याबाबत अद्याप कोणतीही स्पष्टता नाही. त्यामुळे गावकरी काय भूमिका घेतात? याकडेच सर्वांचे लक्ष लागले आहे.

निवडणूक कार्यक्रम कसा?

अर्ज दाखल करणे : 7 ते 13 एप्रिल 2026

छाननी : 15 एप्रिल 2026

अर्ज मागे घेणे : 17 एप्रिल 2026

मतदान : 28 एप्रिल (सकाळी 7.30 ते 5.30)

निकाल : 29 एप्रिल 2026