TRENDING:
नारायण चौधरी यांच्याऐवजी स्नेहा मेहुल पाटील यांना संधी देण्याचा निर्णय भारतीय जनता पक्षाने घेतला. दुसरीकडे पक्षाच्या बदललेल्या निर्णयानंतरही नारायण चौधरी यांनी महापौरपदाचा उमेदवारी अर्ज दाखल केला आहे. पक्षाच्या निर्णयानंतर नारायण चौधरी नाराज असल्याचे कळते.
भाजपकडून स्नेहा मेहुल पाटील उमेदवार
स्नेहा मेहुल पाटील यांना संधी देत असल्याची अधिकृत घोषणा भाजप शहराध्यक्ष रविकांत सावंत यांनी केली. नगरसेवकांना लेखी पत्राद्वारे निर्णयाची माहिती देखील कळविण्यात आली. महापौरपदाच्या निवडणुकीच्या पार्श्वभूमीवर भिवंडीत राजकीय घडामोडींना वेग आलेला असून अंतर्गत घडामोडींवर नगरसेवकही लक्ष ठेवून आहेत.
advertisement
भिवंडीत भाजप चंद्रपूर पॅटर्न राबवण्याची तयारी करतीये. इकडे एकनाथ शिंदे यांच्या शिवसेनेने भाजपला सत्तेबाहेर ठेवण्यासाठी कल्याण डोंबिवली पॅटर्ननुसार रणनीती आखली आहे. भिवंडीत सत्तास्थापन करण्यासाठी काँग्रेस, भाजप, सेक्युलर फ्रंट आदी पक्ष इच्छुक आहेत. भिवंडी पालिकेत भाजपाचे २२ शिवसेना शिंदे गटाचे १२, एक अपक्ष असे ३५ चे संख्याबळ आहे. बहुमतासाठी ४६ चे संख्याबळ आहे. परंतु हा जादुई आकडा गाठण्यासाठी सगळ्याच पक्षांची तारांबळ उडाली आहे.
सेक्युलर फ्रंटकडून महापौरपदासाठी जुळवाजुळव
दुसरीकडे काँग्रेस, राष्ट्रवादी शरदचंद्र पवार आणि समाजवादी पार्टी असा सेक्युलर फ्रंट महापौरसाठी तयार झाला होता, पण कितीही प्रयत्न केले तरी त्यांना आपला महापौर बसविण्यासाठीची समीकरणे जुळत नसल्याचे सांगितले जाते.
भिवंडीत काय होऊ शकते?
भाजपचा एक गट काँग्रेस, राष्ट्रवादी शरद पवार गटाला सोबत घेऊन महापौर पदाची निवडणूक लढविण्याची शक्यता वर्तवली जात आहे.
शिंदेंच्या शिवसेनेला माजी महापौर विलास पाटील यांनी जवळीक साधल्याने मोठी राजकीय घडामोड
भाजपाचे महापौर पदाच्या उमेदवार बदलाच्या घडामोडीवरून नाराज झालेला नारायण चौधरी समर्थक नगरसेवक काँग्रेस, राष्ट्रवादी शरद चंद्र पवार, सेक्युलर फ्रंट गटात सामील होण्याची शक्यता