TRENDING:
रासायनिक काजळात कोणत्या घटकांचा वापर होतो?
रासायनिक काजळामध्ये शिसे, कृत्रिम रंगद्रव्ये, संरक्षक रसायने किंवा सुगंधी द्रव्ये असू शकतात. हे घटक डोळ्यांत जळजळ, पाणी येणे, संसर्ग, ॲलर्जी, लालसरपणा किंवा सूज निर्माण करू शकतात. काही प्रकरणांमध्ये अशा रसायनांचा दीर्घकालीन संपर्क दृष्टीवर परिणाम करू शकतो, असे तज्ज्ञांचे मत आहे. विशेषतः नवजात बालकांमध्ये प्रतिकारशक्ती कमी असल्याने संसर्गाचा धोका अधिक वाढतो. त्यामुळे “सौंदर्यवर्धन” म्हणून वापरले जाणारे काजळ आरोग्यासाठी धोकादायक ठरू शकते.
advertisement
झणझणीत खान्देशी वरण-बट्टी आणि घोटलेली भाजी! खवय्यांची इथं तुफान गर्दी? Video
घरगुती काजळ हा पर्याय काही पालक निवडतात मात्र तो तयार करताना स्वच्छता व सुरक्षिततेची काळजी अत्यावश्यक आहे. पारंपरिक पद्धतीने शुद्ध तूप किंवा तेलाचा दिवा लावून त्यावर स्वच्छ चांदी, स्टीलची प्लेट धरून जमा झालेली काळी काजळी गोळा केली जाते. ही काजळी निर्जंतुक नसल्यास डोळ्यांत संसर्गाचा धोका संभवतो. म्हणून घरगुती काजळ वापरण्यापूर्वी बालरोगतज्ज्ञ किंवा नेत्रतज्ज्ञांचा सल्ला घेणे योग्य ठरेल. शक्य असल्यास नवजात बाळाच्या डोळ्यांत कोणतेही पदार्थ न घालणे हीच सर्वात सुरक्षित भूमिका मानली जाते.
बालकांच्या डोळ्याची काळजी कशी?
बालकांच्या डोळ्यांच्या आरोग्यासाठी साध्या पण प्रभावी उपाययोजना महत्त्वाच्या ठरतात. बाळाचे हात स्वच्छ ठेवणे, डोळ्यांच्या आसपासची त्वचा कोमट पाण्याने हलक्या हाताने स्वच्छ करणे, धूळ-धूर टाळणे आणि संसर्गाची लक्षणे (लालसरपणा, चिकट स्राव, जास्त पाणी येणे) दिसल्यास त्वरित डॉक्टरांचा सल्ला घेणे आवश्यक आहे. डोळे निरोगी ठेवण्यासाठी काजळासारख्या अनावश्यक गोष्टींपेक्षा स्वच्छता, पोषण आणि वैद्यकीय मार्गदर्शन यांनाच प्राधान्य देणे अधिक सुरक्षित ठरेल.