Video: आत्महत्याग्रस्त शेतकऱ्यांची मोफत आरोग्य तपासणी! डॅाक्टर जोडप्याचा आनोखा उपक्रम

छत्रपती संभाजीनगर : सामाजिक बांधिलकीची जाणीव ठेवत कन्नड तालुक्यातील नाचनवेल येथे आत्महत्याग्रस्त कुटुंबीयांसाठी महत्त्वपूर्ण उपक्रमाची सुरुवात करण्यात आली आहे. आर्थिक, मानसिक आणि आरोग्यविषयक अडचणींना सामोरे जाणाऱ्या या कुटुंबातील सदस्यांना मोफत वैद्यकीय तपासणीची सुविधा कायमस्वरूपी उपलब्ध करून देण्याचा निर्णय घेण्यात आला आहे. शिवजयंती महोत्सवाच्या निमित्ताने आज 16 फेब्रुवारीपासून सुरू झालेला हा उपक्रम गावकऱ्यांमध्ये आशेचा किरण ठरणार असून, गरजू कुटुंबांना थेट आरोग्यसेवेचा आधार मिळणार आहे.