TRENDING:
भिवंडीत चंद्रपुर पॅटर्न की KDMC पॅटर्न?
भाजपाचा चंद्रपूर पॅटर्न राज्यात गाजला. काँग्रेसला गाफील ठेवून भारतीय जनता पक्षाने ठाकरे सेनेला सोबत घेऊन चंद्रपुरात आपला महापौर बसवला. भिवंडीत काँग्रेस ३० आणि भाजपा २२ मिळून ५२ जागा होतात आणि बहुमताचा आकडा ४६ आहे यानुसार अडीच अडीच वर्षे महापौर पद आणि इतर महत्वाची पदे दरवर्षी विभागून असा फॉर्म्युला भाजपा आणि काँग्रेसचा ठरल्याची माहिती सूत्रांनी दिली.
advertisement
भिवंडीत KDMC पॅटर्न ?
शिवसेनेला महापौर बसवण्यासाठी भाजपला सत्तेबाहेर ठेवावे लागेल. यासाठी शिवसेना KDMC पॅटर्ननुसार रणनीती आखत आहे. यानुसार काँग्रेस ३०, शिवसेना १२ आणि कोणार्क विकास आघाडीला सोबत घेऊन शिवसेना सत्ता स्थापन करण्याच्या तयारीत आहे. पण कोणार्क विकास आघाडीचे विलास पाटील हे सध्या एका फसवणुकीच्या प्रकरणात जेलमध्ये आहेत. महापौर निवडणुकीच्या तोंडावर भाजपाने ही अटकेची खेळी खेळल्याची चर्चा आहे.
सेक्युलर फ्रंटकडून महापौरपदासाठी जुळवाजुळव
दुसरीकडे काँग्रेस, राष्ट्रवादी शरदचंद्र पवार आणि समाजवादी पार्टी असा सेक्युलर फ्रंट महापौरसाठी तयार झाला होता, पण कितीही प्रयत्न केले तरी त्यांना आपला महापौर बसविण्यासाठीची समीकरणे जुळत नसल्याचे सांगितले जाते.