उज्जैनला दर्शनासाठी जात होते, कार डिव्हायडरवर आदळली, स्फोट होऊन एकाचा जळून कोळसा

प्राथमिक माहितीनुसार लातूर येथून खामगावमार्गे उज्जैनला दर्शनासाठी जाणाऱ्या भाविकांच्या भरधाव कारचा खामगाव अकोला मार्गावरील हॉटेल सुदर्शनजवळ भीषण अपघात झाला. या धडकेत कारच्या पेट्रोल टाकीचा भडका झाल्याने कारने पेट घेतला.अपघातात कारमधील एकाचा जळून मृत्यू झाला.

प्रसंगावधान ओळखून गावकरी लगोलग मदतीसाठी धावले. कारमधील महिलांसह चौघांना बाहेर काढून त्यांचे प्राण वाचविण्यात गावकऱ्यांना यश आले. परंतु कारमधील चालकाला स्फोटात जळून मृत्यू झाला.मृतकाचे नाव अरूण बाबूराव चिंचणसुरे रा. लातुर असे असून जखमींना तातडीने खामगाव शहरातील खाजगी दवाखान्यात उपचारासाठी भरती करण्यात आले आहे.

advertisement