कथित बोगस मतदाराला पकडणाऱ्या कर्तव्यदक्ष पोलिसाला शिवीगाळ, संजय गायकवाड यांची जीभ घसरली

राज्यातील 264 नगरपरिषदा व नगरपंचायतींच्या सार्वत्रिक निवडणुकांसाठी मंगळवारी मतदान झाले. बुलढाणा नगर परिषद निवडणुकांनी राड्यांनी गाजली. आमदार संजय गायकवाड यांनी कथित बोगस मतदार आणल्याचा आरोप विरोधकांनी केला. तसेच एका बोगस मतदाराला पकडल्याचा दावा देखील त्यांच्याकडून करण्यात आला. मात्र त्याच बोगस मतदाराला पळून जाण्यात गायकवाड यांच्या सुपुत्राने मदत केल्यावर नागरिकांनी रोष व्यक्त केला. या सगळ्या प्रकरणावर बुधवारी संजय गायकवाड यांना विचारले असता कर्तव्यदक्ष पोलिसाला त्यांनी शिव्या घातल्या.

advertisement

संजय गायकवाड यांची कर्तव्यनिष्ठ पोलिसाला शिवीगाळ

काल जे घडले ते सर्वांनी पाहिले. एकाला मारत असताना माझ्या मुलाने त्याला नागरिकांच्या तावडीतून सोडविण्याचा प्रयत्न केला. ज्याला मारहाण होत होती, त्याला वाचवले. त्याच्या जागी कुणीही असता तरी त्याने हेच केले असते. त्या पोलिसाला मारण्याचा काय अधिकार होता भडXXX अशी शिवराळ भाषा संजय गायकवाड यांनी वापरली.

24 नगरपरिषदा आणि नगरपंचायतींच्या अध्यक्षपदांसह सदस्यांची निवडणूक २० डिसेंबरला

सुधारित निवडणूक कार्यक्रमानुसार 24 नगरपरिषदा व नगरपंचायतींच्या अध्यक्षपदांसह सर्व सदस्यपदांसाठी आणि 76 नगरपरिषदा व नगरपंचायतींमधील 154 सदस्यपदांच्या जागांसाठी 20 डिसेंबर 2025 रोजी मतदान होणार आहे. या सर्व ठिकाणी आता 21 डिसेंबर 2025 रोजी सकाळी 10 वाजेपासून मतमोजणी सुरू करण्याचे निर्देश देण्यात आले आहेत.