पतीचं हृदयविकाराचा झटका
रविवारी सकाळी मोतीसिंग परिहार यांना हृदयविकाराचा झटका आला आणि काही क्षणांतच त्यांचं निधन झाले. ही दुःखद बातमी त्यांच्या पत्नी अन्नपूर्णाबाईंना समजताच त्यांना मोठा धक्का बसला. या आघाताने त्यांचेही हृदय थांबलं आणि काही वेळातच त्यांनीही जगाचा निरोप (Wife also passed away After her husband death) घेतला.
advertisement
पत्नीची कायम साथ
परिहार हे आदर्श दांपत्य संपूर्ण गावकऱ्यांसाठी प्रेरणास्रोत होते. त्यांनी आपले संपूर्ण आयुष्य एकमेकांच्या साथीने व्यतीत केले. मोतीसिंग परिहार हे माळकरी मंडळीचे आधारस्तंभ होते. सामाजिक, राजकीय आणि धार्मिक क्षेत्रात त्यांचे नाव आदराने घेतले जात असे. त्यांच्या पत्नी अन्नपूर्णाबाई यांनीही त्यांना नेहमी साथ दिली.
संपूर्ण गावात शोककळा
परिहार दांपत्याच्या निधनाने संपूर्ण गावात शोककळा पसरली आहे. दोघांवरही ढोड्रा येथे एकाच चितेवर अंत्यसंस्कार करण्यात आले. या वेळी अनेक गावकऱ्यांच्या डोळ्यात अश्रू अनावर झाले होते. या घटनेने प्रेम आणि निष्ठेच्या एका अनोख्या बंधनाची अखेर झाली, ज्यामुळे संपूर्ण गाव हळहळला.
मृत्यूही तोडू शकत नाही
दरम्यान, जिथं दोन जीवांचा संसार एकमेकांशिवाय अपूर्ण असतो, तिथे प्रेमाचा धागा इतका घट्ट असतो की मृत्यूही त्याला तोडू शकत नाही, असं म्हणतात. याचीच प्रचिती बुलढाण्यात आल्याचं पहायला मिळालं आहे.