Buldhana Crime News : 8 वर्षांच्या चिमुकलीवर अत्याचार; बुलढाणा हादरलं!

घटनेबाबत अधिक माहिती अशी की, ही घटना बुलढाणा जिल्ह्यातल्या शेगाव तालुक्यातील एका गावात घडली आहे. तिसऱ्या वर्गात शिकत असलेल्या एका 8 वर्षीय चिमुकलीला चॉकलेट साठी 5 रुपये देतो असे आमिष दाखवून आरोपीने तिला आपल्यासोबत नेले. त्यानंतर तिच्यावर अत्याचार करण्यात आला. राजेश विंचू असं या प्रकरणातील आरोपीचं नाव आहे. गावातील काही महिलांनी या मुलीला घेऊन जात असताना राजेशला पाहिले होते.

advertisement

त्यावरून पीडितेच्या वडिलांनी पोलीस स्टेशनला तक्रार दिली. प्राप्त तक्रारीनुसार पोलिसांनी तातडीनं आरोपीविरोधात गुन्हा दाखल करत त्याला अटक केली आहे. या घटनेनं जिल्ह्यात खळबळ उडाली आहे. घटनेबाबत अधिक तपास सुरू असल्याची माहिती पोलिसांकडून देण्यात आली आहे.