Buldhana News : बुलढाण्याला वादळाचा तडाखा, झोक्यात झोपलेली चिमुकलीही पंत्र्यांसोबत उडाली

घटनेबाबत अधिक माहिती अशी की, बुलढाणा जिल्ह्यातील सिंदखेडराजा आणि चिखली तालुक्यातील अनेक गावांना वादळाचा मोठा तडाखा बसला. अनेकांच्या घरावरील पत्रे उडून गेल्यानं भर पावसाळ्यात अनेकांचे संसार उघड्यावर आले. शेतमाल, बी-बीयाणं आणि खतांच्या गोण्या भिजल्यानं मोठं नुकसान झालं.

याचदरम्यान बुलढाणा जिल्ह्यातील देऊळगाव घुबे येथे मोठी दुर्घटना घडली आहे. छतावरील पत्र्यांना आधार देण्यासाठी लावलेल्या खांबाला झोका बांधण्यात आला होता. या झोक्यात चिमुकली झोपली होती. मात्र वादळाच्या तडाख्यात पत्र उडले. पत्र्यांसोबत ही चिमुकली ज्या झोक्यामध्ये होती तो झोका देखील उडाला. या घटनेत चिमुकलीचा मृत्यू झाला आहे. या घटनेमुळे गावात हळहळ व्यक्त करण्यात येत आहे.

advertisement