आगामी विधानसभा निवडणुकीसाठी प्रत्येक पक्ष आपला उमेदवार कसा निवडून येईल यासाठी कसोशीने प्रयत्न करत असल्याचं पाहायला मिळत आहे. जो उमेदवार निवडून येईल त्यालाच शिवसेना ठाकरे गटाकडून उमेदवारी देण्यात येणार असल्याची माहिती समोर येत आहे. बुलढाणा जिल्ह्यातल्या मेहकर विधानसभा मतदारसंघात शिवसेना ठाकरे गटाकडून मंत्रालयात सचिव असलेल्या सिद्धार्थ खरात यांना उमेदवारी दिली जाणार असल्याची चर्चा सुरू झाली आहे.
advertisement
मेहकर विधानसभा मतदारसंघात प्रशासकीय अनुभव असलेल्या सिद्धार्थ खरात यांना जर ठाकरे गटाकडून विधानसभेसाठी संधी मिळाली तर या मतदारसंघामध्ये काटे की टक्कर पाहायला मिळू शकते.
दरम्यान लोकसभा निवडणुकीमध्ये महायुतीला महाराष्ट्रात मोठा फटका बसला होता. महायुतीमधील अनेक दिग्गजांचा पराभव झाला. तर दुसरीकडे महाविकास आघाडीनं मात्र जोरदार मुसंडी मारली. त्यामुळे आता आगामी विधानसभा निवडणुकीत देखील हे यश कायम ठेवण्याचा प्रयत्न महाविकास आघाडीचा असणार आहे, अशा स्थितीमध्ये महाविकास आघाडीकडून कशी रणनीती आखली जाणार हे पाहाणं महत्त्वांचं ठरणार आहे.