'भाऊ सोयाबीनला भाव मिळून द्या' चिमुकल्याचं तुपकरांना भावनिक पत्र, खाऊचे पैसेही दिले मोर्चाला

सोयाबीन - कापूस उत्पादक शेतकऱ्यांच्या न्याय हक्कासाठी सध्या रविकांत तुपकर 'एल्गार रथयात्रे'च्या माध्यमातून जिल्हाभर फिरत आहेत. मेहकर तालुक्यातील नायगाव देशमुख येथे रविकांत तुपकर यांची सभा झाली होती. या सभेला गावातील शेतकऱ्यांसोबत गोपाल सुरडकर हे शेतकरी व त्यांचा इयत्ता चौथीतील मुलगा आयुष देखील उपस्थित होता. या सभेनंतर या चिमुकल्यानं रविकांत तुपकर यांना पत्र लिहीलं आहे.

advertisement

या पत्रात चिमुकल्यानं म्हटलं की,  'मला यंदा दिवाळीला नवीन कपडे व खाऊ नको, आपल्या सोयाबीनला भाव हवा आहे. त्यामुळे सोयाबीनच्या भावासाठी लढणारे रविकांतभाऊ तुपकर यांच्या एल्गार मोर्चासाठी मी हे पैसे देणार आहे. रविकांतभाऊ तुम्ही सरकारच्या धोरणा विरोधात लढा आणि आमच्या सोयाबीनला भाव मिळवून द्या'