Accident News : ट्रकमधील बिघाड बघायला रस्त्यावर उतरले अन् घात झाला,क्षणात होत्याचं नव्हतं,नेमकं काय घडलं?

छत्रपती संभाजीनगरच्या अजिंठा घाटातील धोकादायक वळणावर पुन्हा एकदा भीषण अपघात झाला आहे. यात ट्रक चालकाचा जागीच दुर्दैवी मृत्यू झाल्याची माहिती समोर आली आहे. मृत चालकाची ओळख व्ही. एम. एम. कुमार (वय 49), रा. आंध्रप्रदेश अशी आहे. या घटनेने कुमार कुटुंबियांवर शोककळा पसरली आहे.

प्राथमिक माहितीप्रमाणे, ट्रकमध्ये अचानक बिघाड झाल्याने चालकाने घाटातील वळणावर रस्त्याच्या कडेला वाहन थांबवले होते. त्याचदरम्यान समोरून आलेल्या अज्ञात वाहनाने जोरदार धडक देत चालकाला चिरडून पळ काढला. यात घटनास्थळीच त्याचा मृत्यू झाला. अजिंठा घाटातील अरुंद रस्ते आणि सतत होणारे अपघात यामुळे नागरिकांमध्ये तीव्र संताप व्यक्त होत आहे.या वळणावर तातडीने सुरक्षिततेची उपाययोजना करावी, अशी मागणी स्थानिकांकडून होत आहे.

advertisement