TRENDING:
कन्नड तालुक्यातील आडगाव भोसले येथील अमोल भोसले हे आई गीताबाई भोसले यांच्यासोबत धार्मिक कार्यासाठी भोकरदन येथे जात होते. दुचाकी (एमएच 20 ईबी 0943) वरून ते सिल्लोडकडे येत असताना छोटा हायवा (एमएच 20 जीझेड 4928) चालकाने त्यांच्या वाहनाला जोरदार धडक दिली. या भीषण अपघातात अमोल भोसले यांचा जागीच मृत्यू झाला, तर गीताबाई भोसले गंभीर जखमी झाल्या.
advertisement
एक प्लेट डाळ-भात पडलं 98 हजाराला; जेवण ऑर्डर केलं पण तोंडचं पाणी पळालं, मुंबईतील महिलेसोबत काय घडलं?
जखमी गीताबाई यांना तातडीने सिल्लोड उपजिल्हा रुग्णालयात दाखल करण्यात आले. प्राथमिक उपचारानंतर पुढील उपचारासाठी त्यांना छत्रपती संभाजीनगर येथे हलविण्यात आले आहे. अमोल यांचे शवविच्छेदन करून मृतदेह नातेवाइकांच्या ताब्यात देण्यात आला. याप्रकरणी सिल्लोड ग्रामीण पोलिस ठाण्यात नोंद करण्यात आली आहे.
दरम्यान, अपघातात मृत्यूमुखी पडलेले अमोल भोसले हे आडगाव ग्रामपंचायतीचे सदस्य होते. गावातील धार्मिक आणि सामाजिक कार्यक्रमांत ते नेहमी पुढाकार घेत असत. अवघ्या दोन महिन्यांपूर्वीच त्यांचा विवाह झाला होता. नव्या आयुष्याची सुरुवात होत असतानाच आलेल्या या दुर्दैवी घटनेने गावावर शोककळा पसरली आहे. सायंकाळी आडगाव येथे त्यांच्यावर अंत्यसंस्कार करण्यात आले.