एक प्लेट डाळ-भात पडलं 98 हजाराला; जेवण ऑर्डर केलं पण तोंडचं पाणी पळालं, मुंबईतील महिलेसोबत काय घडलं?

खार पश्चिम येथे राहणाऱ्या सुरजीत कौर चड्डा (80) यांनी 25 फेब्रुवारी रोजी सकाळी सुमारे 11 वाजता घरबसल्या Zepto या ऑनलाइन प्लॅटफॉर्मवरून डाळ आणि भाताची ऑर्डर दिली. अवघ्या दहा मिनिटांत ऑर्डर त्यांच्या घरी पोहोचली. मात्र, त्यामध्ये दोन डाळ-भात जादा आल्याचे त्यांच्या लक्षात आले.

फोनवरील व्यक्तीने सुरजीत कौर यांना काही ऑनलाइन प्रक्रिया पूर्ण करण्यास सांगितले. तांत्रिक बाबींची माहिती नसल्यामुळे त्यांनी समोरून सांगितलेल्या सूचनांप्रमाणे प्रक्रिया केली. मात्र, त्यानंतर त्यांच्या बँक खात्यातून एकूण 98 हजार 199 रुपये परस्पर काढून घेतल्याचे निदर्शनास आले. फसवणूक लक्षात येताच त्यांच्या मुलगा संजीवसिंह चड्डा (59) यांनी तत्काळ तक्रार दाखल केली. या प्रकरणी खार पोलीस स्टेशन येथे गुन्हा नोंदवण्यात आला असून पुढील तपास सुरू आहे.